Ururka Somali Ethiopian Women Diaspora (SEWD) oo Degaankooda Horumar lagaga Daydo Kusoo Kordhiyay

(CAKAARANEWS) Waxaa Maalintii axada ee bishu ahayd Novembar 13,2011magaalada Minneapolis lagu qabtay Shir looga hadlayay sidii waxa loogu qaban lahaa looguna hormarin lahaa Haweenka Iyo Caruurta DDSI Kasoo jeeda.

Shirkan ayaa waxaa soo qabanqaabiyay Ururka Gabdhaha Soomalida Ethiopia ee Degan Cariga Maraykanka Gobolka Minnesota.Somali Ethiopian Women Diaspora (SEWD) Foundtion.

Xafladan oo si balaadhan ay u soo abaabuleen Gudoomiyaha Ururka Mawro Foosiya Sh/Claahi iyo Gud/Kuxig/ Marwo Canab Cali ayaa waxaa kasoo qayb galay Soomaali badan oo degan gobolka Minnesota.
Hadaba Ururkan (SEWD) oo fikirkoodu uu yahay Sidii loogu Horumarin lahaa Haweenka Iyo Caruurta Agoonta ah ee Aabayaashood N/Diidku Laayahay
ee ku xaraysan Jigjiga Bording School ayaa Ururku Qorshayaasha ugu horeeya ee ay diyaariyeen ayaa waxaa ka mid ah dhismaha Library (Maktabat) Aad u balaaadhan inay u dhisayaan agoonta ku jirta boordhinka jigjiga. kana caawin doonaan buugaagta, Macluumaadka iyo Aaladaha Dhinaca Waxbarasha iyo wixii kaloo caruurtaas ubaahadaan.

Waxaa kale oo Ururkan uqorshaysan Sidii ay mustaqbalka Soo socda Udhisi lahaayeen Boarding schools Iyo Isbitaalada haweenka iyo Caruurta.
gudoomiyaha ururkan (SEWD) Marwo Foosiya SH/C/laahi oo noo sheegtay in ururka ujeedada loo aas-aasay ay tahay in ay Aqoonta Abayaashood N/diidku
Waxyeelay iyo Haweenka Kasoo jeeda Deegaanka Soomaalida Ay kaalintooda kaga aadan dhanka Horumarka inay ka gaysan doonaan sidii ay noloshooda
iyo Aqoontooda kor ugu qaadi lahaayeen. arwo Foosiya Hadalkeeda kusoo gabagabaysay in ay baaq udirayso Dhamaan Jaaliyaadka u Dhashay Degaanka Soomalida Ethiopia inay udiyaar garoobaan sidii ay wax ugu tari lahaayeen Deegaankooda qofwalbana u xil ka saaran yahay inuu kuseexdo siduu wax ugu kordhin lahaa Dalkiisa iyo Dadkiisaba.
 
Shirkan oo ay kasoo qaybgaleen . Aqoon yahaniin aad u tiro badan oo ay Kamid ahaayeen Dhaqaatiir, Ganacsato, Ururo  kala duwan, Haween iyo dhalinyaro.
Kuwaasoo kala ah.

    1) Suldaan Mohamed Bade oo ku hadlay magaca jaaliyada ...

      2) Guduumiye Abdi Ahmed Shuuriye -( Somali Ethiopian North American)

    3) Gudoomiye ku xugeenka Abdirazak Golongol ( SEDYO )

    4) Gudoomiye Aamina (Somali women Cival Survive)

    5) Nabadoon Ardo Sh Yusuf Diriye
    
     6) Ganacsade Cabdullahi Cilmoge

    7) Gudoomiye Hodan Aadan Caruus (Somali Puntuland Women Association)

    8) Gudoomiye Abdiaziz Maahaay       (Somali Health Care Foundation)

    9) Kamal Dacas oo u hadley Ururka Waamo Relief
    
      10) Aqoonyahan Dr Abdi Aar Sahal Dhuux

    11) Dr Mohamed (Somali Medical Association)

Hadaba Ururkan oo ah urur ka madax banaan siyaasad. oo ay Madaxda jaaliyada Gobolka Minnesota u balanqaaday in ay taageero Balaadhan u fidindoonaan
Ujeedada iyo waxqabadka Ururkan SEWD.

Shirkaan oo kudhamaaday Guul iyo farxad aadna ay ugu riyaaqeen jaaliyada Reer Minnesota ee soomaalida Ethiopia.

Hadaba waxaa qofkasta oo Degaanka kasoo jeeda waajib iyo xil kasaaran yahay in ay kaga daydaan Gabdhahan ufikiray sidii ay Degaankooda wax ugu tari
lahaayeen.

Ogaysiis Ku Aadan Qurbajoogt​a Ku Sugan Minnessota iyo Nawaaxigee​da

Minnesota(CakaaraNews) Ururka Jaaliyadda Somaalida Itoobiya ee (SEDYO) Iyo Ndheergaradka Qurbajoogta Ku Nool Minnesota oo Iskaashanaya ayaa Waxa ay Qurbajoogta ka Soo Jeeda 9ka Gobol ee uu Ka kooban Yahay DS ee ku Dhaqan Gobolka Minnesota iyo Nawaaxigiisa Ogaysiinayaan Ka Soo Qayb-Galka Munaasabadda 13Guurada 13aad ee Ka Soo Wareegtay Aasaasidii XDSHS.

Munaasabadan Ayaa Lagu Qaban Doonaa Hotel Sheraton isla markaana aad wixii Faahfaahin Dheeraada ay idiinku Heelan yihiin Ururka SEDYO Kalana Xidhiidhi kartaan Cinwaankan Afhayeenka SEDYO, Cabdinuur Xasan Abi (612-532-4626).W.W/Jaaliyadda, Muxamed Cabdi Cali (651-757-7280).


Tilmaan-Raaca Goobta Shirka iyo Wakhtiguna Waa Sidan Hoos ku Cad.
Addresska: 7800 Normandale BLVD Bloomington, MN 55439
Maalinta: Sabti
Taariikhda: June 25, 2011
Wakhtiga: 5:00 pm - 1:00 amqa2

Waa Laga Gudbay Xilligii Habacsanaanta & Walaahawga

Guddoomiyaha Arrimha Bulshada ee Jaaliyadda DSI ee Örebro  Mudane Faysal Raabi Aadan oo ah Aqoonyahan in badan ku soo dhex jiray arrimaha bulshada,

islmarkaan ah Masuul aad u xiiseeya dhinaca sportiga iyo is dhexgalka bulshada ayaa carabka ku dhuftay in ay dhammaatay Marxaladii Walaahawga lagana toosay Riyadii iyo Habacsanaantii qurbajoogtu ku sugnayd mudada dheer.

Mudane faysal ayaa aad ugu nuuxnuuxsaday in hadda wixii ka dambeeya aysan jirayn is huwanaan dambe oo bulshadu hadda ay kala garatay jidka toosan iyo ka qaloocan.

Mudane faysal Wuxuu sheegay in ay tahay wax laga yaqyaqsado in ummadda deegaanka soomaalida la huwiyo Calanka AFWARQI  (Eritrea),inta lagu dhaleeceeyo koodii Hasha lahaa.

Waxaan leeyahay ha ku bikaacsato ishii buktaa Maanta waan huwanaynaa,ku xaragoonaynaa,ku Faanaynaa Calanka astaantiisu Hasha tahay.

Faysal wuxuu balan qaday in uu wax badan ka taridoona dhinaca Dhalinyarada iyo Ispoortiga isaga oo aan hiil iyo hoo midna kala hadhaynin Xafiiska Sportiga ee Deegaanku ololaha uu ugu jiro kobcinta sportiga.

Kuwanaan ku faanaynaa ee ka feejignaw ka fidnada wadee Afwarqi loo wadaw,kuwa aan ku rabin ee kuu raraya meel aad rafaad iyo rixin li,i u dhiman.

Mingiste iyo Colkiisii weli Ma Samrin Saakana waxay Rabeen Waaye

Göteborg (CakaaraNews) Guusha xuska 20ka ginbood waa qalbi jab ku yimid Nabadiidka ,dib u socodka,dhiiyacabka,iyo dhalaan lumiska.

Waxaa si aad u weyn looga xusay Guud ahaa Caalamka ,Gaar ahaanna DSI Xuska maalinka Qaaliga ah ee GINBOOT 20.
Jaaliyadda DSI ee Göteborg oo aad ula wadaagaysa Farxadaas qawmiyadahii lagu tuman jiray gaadheen ayaa waxay ugu baaqaysaa inta aan weli fahmin micnaha Xornimada in ay yara milicsadaan wixii ka horeeyay Ginbood 20keedii 1991dii wixii ay ku sugnayd ummadda Soomaaliyeed ee Degta Deegaanka balaadhan ee ay ka taliso DDSI.

Uma Baahna Faahfaahin iyo tilmaamo badan balse waxay u baahantahay Xamdi naq iyo in la xajisto Guushaas.
Wax kasta oo dhanqaryo u keeni kara Guushaa ay gaadheen qawmiyadihii la gumaysan jiray waa wax ay wadaan intii ku haysay Gunimada iyo cadaadiska oo aan weli ka samrin in ay ku celiyaan halkaa laga soo guuray 1991dii 20 kii Ginbood.    

Taasu waa wax aan la qaadan karin eebbena aanu ka baryayno in uu na wada fahamsiiyo nasriga uu na siiyay,naguna manaysto maskax aan ku wada ilaashano,kuna xajisano.

Walaalha maanta daba socda kuwii laga xoroobay 20 kii Ginbood  1991dii , waxaan leeyahay jid aan haboonayn baad ku socotaane intaad yara nasataan dib u eega dhabaha aad haysaan.

Walaalaha DDSI Hogaanka u haya iyo Guud ahaan Shacbiga Soomaalida ee ka soo Jeeda DDSI iyagana waxaan leeyahay, waxaad garataan in ay dhib badantahay in wax la dhisaa ,laakiin sida lagu dumiyaa ay dhib yartahay.   Walaalayaaloow Niyad wanaagsan iyo Walaalnimo iskugu keena guud ahaan dadkiina, ugana  faa,iidaystay fursadahan in ay noqdaan kuwo la isku saamaxo oo lagu wada naaloodo Xoriyad iyo Farxad.

Dadka kala qaaran ee Jeelasha ku kala maqan ha loo fidiyo cafis ay kula naaloodaan Ubadkooda iyo eheladooda, kalgacalkuna ha noqdo midka sareeyay ee deegaanku ku wada nool yahay.

Ummadda Soomaaliyeed ee aan deegaankan ka soo jeedina waxaan leeyahay,walaalayaal waanu jecelnahay jiritaankiina iyo quruxdiina ee idinkuna jeclaada taayada,naguna taageera in aan nabad ku wada noolaano,diris wanaag iyo walaalnimo.

Ugu Danbayn Guud ahaan  qawmiyadaha itoobaya waxaan leenahay, ka feejignaada fool xumidii laga soo gudbay 1991dii  20kii ginbood.
Mingiste iyo Colkiisii weli ma samrin Saakana waxay rabeen waaye