Socdaaladii Samato Bixinta iyo Saadaasha Ummaddeenna.

Qormadan waxaan ku Bilaabayaa Salaan Sharaf leh oon u dirayo:

   * Warbaahinta iyo Mareegaha Deegaanka Daneeya.

 Waxaan ugu horayn salaantan qiimaha badan u dirayaa dhammaanba warbaahinta Deegaanka Qamiyadda Soomaalida,gaar ahaan inta danaysa barnaamijka nabadda iyo horumarinta deegaanka ee ay kow ka yihiin mareegaha sida gaarka ah ugu huray wakhtigooda qaaliga ah in ay wax ka siiyaan ummaddooda meel kasta oo ay joogto. kuwaas oo aan odhan karo waxay ka haqabtireen wararkii ay uga baahnaayeen dalkood iyo deegaankoodaba, iyagoo  xogta dhabta ah ee ay rabaan si joogta ah ugu soo gudbiya Boggaga aan daalin eenan daahin dibna u dhicin.

 Halkaas oo ay ka helaan warar sax ah iyo xogta dhabta ah ee dalkii  ka jirta iyagoo soo gaadhsiiya dadkooda waagii beryiyo gabalkii dhacaba wixii dadkoodu ku suganyahay.
 Waa tii hore loo yidhi warbaa ugu gaajo badan. waxaan idin leeyahayay alaylehe waad cidhibtirteen gaajadii warka,waxaase dhimman in aynu cidhibtirno Qabyaaladda Gaajada,Jahliga,Cudurka iyo Colaadahan macna daradda ah ee ay koox yari ka dhex aragto danteeda gaarka ah iskuna dayayso in ay dhammaan ku fidnayso Bulshada walaalaha ah kana dhigto Hooyo ay gablamiso iyo Gabadh ay aasay u xidho.

 Taas oo ay wadaan Kooxda  aan u danaynayn Dad iyo Daltoona (Nabaddiid Dalna umma danynayo,Dadna uma danaynyo,Diina uma danaynayo) Geeridoonna ma wada ahee inta geeriyoon waa inta sidooda aan ubadkoodii u helin jaamacadaha ku yaal North America,Europe,Australia,South Africa,Dalalka Carabta  iyo Dunida inteeda kale .

   *   Bulshada Deegaanka Gude iyo Dibadba

 waxaa ugu hormarinayaa  meelkastoo ay joogaanba Culimada Eebe Sharfay ee ah Dhaxalkii anbiyadu inooga tageen  lab iyo dhedigba,sidoo kale Ugaasyada, Salaadiinta,Garaadada,Cuqaasha ,Aqoonyahanka lab iyo dhedigba, Dhalinyarada lab iyo dhedigba,Caruurta Gabdho iyo Wiilalba,Haweenka ama Hooyooyinka ,Madaxda iyo Masuuliyiinta Deegaanka Heerarkooda kala duwan,Heer Federal,Heer Deegaan,Heer Gobol,Heer Degmo,Heer tuulo ,Heer xaafadeed ,iyo Heer unugba.

   * Walaalaha Nabadda Qaatay

 Waxaa iyagana aan la ilaawi karin waa walaalaha nabada qaatay UWSLF&ONLF oo muddo dheer kadib,go,aan ku gaadhay in ay ummaddooda uga tudhaan Hagardaamada iyo Hoogga Xabadu Baday,oohinta iyo Aasayda joogtada ah,ee weliba aan badhkood gabdhaha   muujin karin aasayday qaadayaan,qaxa iyo qiima dhaca dadkooda ku haleelaya meel walba,waxaan halkaas si aad iyo aad ah ugu amaanayaa UWSLF oo aan iyagu Caqli,Cudud,Cod,iyo Maal aan meelna ku kala hadhin gude iyo dibadtoona Nabadana si buuxda u wada qaatay Cirooliyo Caruur oon anay maanta jirin noocuu doonaba ha ahaadee wax magaca UWSLF  sheeganaya oo Nabaddiid ah  ama Dulmi iyo Geeridoon ah. Geesta kale Inta Qaadatay Nabadad ee Ururka ONLF iyagana waxaan leeyahay Bagaad garateen in Nabadu tahay furaha nolosha iyo qiimaha,inta idinka hadhay ee saaxiibadiin ahaana ha ka daalina in ay gartaan in aan Bulshadani silic iyo saxariirin midna u baahnayn,Idinkana in aad Nabad iyo wanaag Dadkiinii wax kula qabtaan waa Geesinimo,waana sharaf iyo badbaado
ummadded,wadcikastaana Qiimayntiisuu leeyahay Bagaad Garateen boogtii dadkiinu Baxnaanaday u baahnayd.


   *  Maxaabiistala sii daayay iyo kuwa hadhsanba

Maxaabiista Xoriyadooda Heshay iyo kuwa lagu han waynyahay in ay dhakhso u helaanba. inta maanta farxada kula joogta eheladoodii ee ka soo baxay jeelasha intii uu bilaabmay  socdaalka samati bixinta ee ay Horseedka ka yihiin Madaxweynaha &Madaxda Kale ee Deegaanka iyo kuwa Xisbiga SHDSI iyo kuwa DFkaba. Dadkaas xoriyadooda helay oo iyagu ah kuwa si dhab ah oo muuqata  u dhadhamiyay midhihii Nabada ama la odhan karo waxaa hiil geesinimo ah oon loo kala hadhin,u galay Madaxweyne,Madaxda kale DDS,tan DF,walaalaha nabada qaatay ee UWSLF& ONLF,Qurbajoogta iyo Guud ahaan Bulshada inteeda kale. Waxaan walaalahaas leeyahay hamigiina,maskaxdiina,maalkiina,iyo muruqiinaba ku taageera in lagu waaro nabad,si loo gaadho Horumar.

Sidoo  kale waxaa salaantaas la mid ah iga mudan Hooyooyinka,Aabayaasha,Walaalaha,Ubadka, Ooriyaha,Ehelka iyo Asxaabta ay maanta la nool yihiin iyaga oo xoriyadoodii helay maxaabiista la soo daayay waanan ugu HAMBALYAYNAYAA farxadaas qaaliga ah. Inta aan weli helina xoriyadooda waxaan ku calool adkaysiinayaa in ay helidoonaan haddii alle idmo,taas oo ah Balantii uu qaaday Madaxweyne Abdi Mohamoud Omar iyo wafdiyadii samata bixinta oo ujeeddadooduba ahayd in dadkooda ay tusaan naxariis iyo naacawda nabada iyo wax wada qabsiga,tafaahumka iyo walaalnimada.

Madaxweynuhu siduu in badan kaga khudbeeyayay fagaarayaasha ama uu ka sheegay warbaahintaa (Xabsigu albaab laga galana wuu leeyahay,Albaab laga soo baxana wuu leeyahay),inta aad tabaysaan ee ku jirta xabsiga waxay ka jecelyihiin madaxda deegaanku in ay soo baxaan oo farxad kula noolaadaan ehelkooda iyo ummaddooda intii ay jeel ku hayn lahaayen. Waa wax ay wada dareensanyihiin in halkaas ay ku baaqanayaan ubad noqon lahaa madaxda mustaqbalka haddii qoysaska kala xaniban ay wadaagi lahaayeen macaanka nabada iyo raaxada nolosha oo ah tan Aadamaha iyo nooluba u wada baahanyihiin  dhammaan. Insha allaahu taasuna degdeg bay u  iman oo dadkaasuna way helayaan cafiska inta kale ee walaalahood ahi heleen . ee dhammaan ha la muujiyo rabitaan walaalnimo iyo wax wada qabsi,hana laga fogaado wax kasta oo keeni kara kala hagardaamo ummaddeed.

   * Dhiirigelin

Madaxweynaha

Madaxweynuhu wuxuu sheegay salaadii ciida iyo khudbad ka horaysayba isaga oo ku kaftamayay in uu Magac qiimo badnaa oo beelaha deegaanka midkood lahaa uu jeelkaasi bi,iyay Waa(Jeel Ogaadeen),waa dhab,waana xaqiiq jirta,waxaase farxad leh in ay noolyihiin in badan oon magacooda ceeb iyo cay midna u ogolayn oo uu ka mid yahay uguna horeeyo Madaxweyne Abdi Mohamed Omar, Waxaan Ku dhiiri gelinaynaa Madaxweynaha,Guddoomiyaha Xisbiga,Afhayeenka baarlamaanka,Guddiga fulinta Xisbiga,Kan dawladda Deegaanka,Baarlamaanka,Golaha Wasiirada,Walaalaha nabadda qaatay,Qurbajoogta iyo Guud ahaan Bulshadu  in  ay ku taageeraan Madaxweynaha iyo Masuuliyiinta kale sidii  ay uga dhabeyn lahaayeen  in ay Goobtaas ka dhigaan Jaamacad, Masjid ama wax kale oo ummaddu wada leedahay sida Maktabad,Matxaf,Carwo,Stadium ama Xarun lagu xanaaneeyo Agoonta IWM.Inta hadda ku jirta iyo inta ka baxdayba iyagana waxaan ka codsanayaa in ay sidii arrintaas loo gaadhilahaa gacan  ku siiyaan MADAXWEYNAHA IYO MADAXDA
DAWLADDA,taas oo ah in ay si kal iyo laab ah u wada taageeraan in geyigani noqdo GEYI NABADEED,Madaxda joogtaana noqoto MADAXDII Nabada.Arrintaasu waa mid laga rabo cidkasta oo deegaankan u dhalatay.

   *  Dadku waa Mid kasa  oon karin

   * Mid kara oon kasin

   * Mid aan kasin oon karin

   * iyo mid kasa oo kara.


Madaxweyne Abdi Mohamoud Omar Nin kasa  oo kara.Halyayada la shaqaynaya ee dhalin yarada ahna waa kuwo kasa oo kara, iyaga iyo Bulshadoodna waxaa laga rabaa waa in ay gacmaha is qabsadaan horayna u socdaan si loo gaadho dunidaaa horumartay.  Bulshayahay Dareenkiiniyo Dadnimadiina muujiya,Dalku waa dalkiinii,Dadkuna waa Dadkiinii,Dacdarada ka wada dhawra.

 waxaad marag ka wada tihiin Xubnaha xukuumadu in ay yihiin dhalinyaro leh aqoon sare, karti iyo wadaniyad intaba. waa kuwii ku barbaaray  waddankooda waxna ku bartay una bartay in ay ku horumariyaan isaga iyo dadkiisada,kulana noqday intay kobciyeen aqoontooda.

Socdaalkii Samatabixinta iyo Saadaasha Ummadda.

Socdaalkaasi wuxuu ka bilawday wadanka Sweden,Uk,Denmark,Welina halkiisii ayaa ka sii  socdaa waanad aragteen Aqoonyahanada Mayalka u haya Deegaanka in ka mid ah intiinii fursad u heshay in ay la kulantaa,inta aydaan aragna waa aqoonyahano leh qiimahaas iyo mid la mid ah kuwaas oo haya niyad wanaag ay ku raadinayaan Nabadda iyo Horumarka Deegaanku in uu noqdo mid waarta oo si dhab ah ugu istaagta tiirar adag oon la loolin karin. Waa dhalin u baahan talokasta oo nasteex u ah  taas oo ah toosin  ee aan ahayn tukhaantukhin iyo jilaafayntoona. In lagu soo dhaweeyo meelaha ay imanayaana waa arin ay waajib ku tahay bulshada deegaanka waa shay haboon. ciddii wax ka tabanaysa ha horfadhiisato oo ha weydiiso,waxay ka taban, haddii uu shaqsi yahay iyo haddii ay Xukuumad tahayba.

 Soomaalidu waxay tidhaadaa (Af xumo Nabadna way kaa geysaa Colaadna wax kaagama tarto), Wixii aad walaal ku weydaana Weedh xun kuma heshaan.  Sida ay ummaddaha kale u soo dhoweynayaan Madaxdooda iyo si ka fiican ayay mudanyihiin in loo soo dhoweeyo. Marka aan sidaa leeyahay  Haddii aad khalad dareemaysaan ummadyahay, Khald wuu jiraa wuuna jirijiray,wuuna jiridoonaa ee wixii lagu saxaa waa Wada hadal iyo is ixtiraam,isu tanaasulid, isu garaabid iyo isa saamixid. Hadaba haddii aan in yar dib u milicsano  Madaxweynaha iyo Xubanahii Safaradii samata bixinta ku wehelinayay waxaa ka mid ahaa

 Labada wasiir ee heer federaal oo markii horana ahaa wasiiro heer deegaan,iyo madaxda ugu saraysa ee XSHDSI  Mudane Abdi fatax Sh. Abdullaahi iyo mudane Abdirahman Sh.Mohamed(Guray) Waxay maanta  labaduba ka mid yihiin Golaha wasiirada ee DF waana  arin ugub ku ah taariikhda deegaanka oon hore loogu arag ,looguna yeelan laba wasiir oo qawmiyada soomaalidu ku yeelato taasna waa guul u soo hooyatay DDS iyo tan Federaalka oo muujisay isibedel sixitaan ah waxaan wasiiradaa u rajynayaa in ay soo hooyaan guulo badan oo taariikhdu kaga xusto Baal dahab ah.

Waxay maanta  qawmiyadu heer federaal ku leedahay Laba wasiir oo Buuxa.Laba wasiiru Dawle,Afar safiir Afhayeenka Federationka ,iyadoona la filayo in meelaha dhimman iyo waxyaabaha aan tabaynana la sixidoono,lana kordhindoono sida tirada golaha wakiilada iyo meelaha kalee maqan. dhammaan masuuliyiintaasu waxay  mudanyihiin Ummadyahay in aad u hambalysysaan ood garab istaagtaan ood ku faantaan,ood ka toosisaan dhaliishii aad aragtaan idiin muuqata ee ma mudna in aqoonyahanadaas niyadooda wax loo dhimmo,waxay mudanyihiin dhiirigelin taam ah  iyo duco. dhalintaasu in ay kasto oo ay karaan waxaad ka aragteen ama ku arkidoontaan geedi socodka hawlaha deegaanka iyo DF kaba. khaladaadkii jirijiray marka isbedel deegaanka uu ka dhaco  isagana waxaad aragtaan in wax iska bedeleen oon Madaxweynayaashii xilka markay ka degaan Bustaha jeelka u sii qaadan jiray ay dhanka kore u socdaan taas oo iyaduna ah rajo fiican halkii fikta u saraysa ee la gaadhaa ka ahaan jirtay xilka madaxweyne heer
deegaan,khatinkuna jeelka.

Waxaa maanta taas marag idiinku filan in Madaxweynayaashii xilka uga horeeyay Abdi Mohamoud omar ay qaarkood maanta  yihiin Masuuliyiinta ugu saraysa Heer federaal, .

 Tusaale Abdirashiid Dulane , Abdullahi Hassan,Daud Mohamed  Mid jeel la geeyay ma jiro mid walbaana xil weyn ayuu heer federaal ka hayaa , halkaas waxaa ka cad in Dareenkii bislaaday oo ay dhammaatay jeel isu jiidkii haddana loo jihaystay tubtii nabadda, horumarinta iyo hagardaamo ka raysiga.

   Haddii ay dhammaato xiniinyo is haysigii dhexdeena,kal hoos guurka,isku mashquulka,is jiidjiidka,isu qayilka,is dulaynta,iyo is dulmintu,waa hubaal in la gaadhi lagan dheerayn inta hadda inaga horaysa qayrkeen.

 Geedi socodka hawlaha deegaanka iyo is fahamka  ama  wada shaqaynta Qawmiyada soomaalida  iyo Qawmiyadaha kale ee dawlad wadaaga ah waxaa muuqata in wax  badani u kala kordhay tusaalaha u yar een soo qaadan karnaana waa Muuqaalkii shirkii Xoola dhaqatada ee ka dhacay caasimada deegaanka ee jigjiga.

Haddaba Socdaalka samata bixintu waa midkii dhidibada u taagi lahaa is fahamka guud iyo wax wada qabsiga Ummadda deegaanka ,Qawmiyadaha kale dalka, Qurbajoogta Deegaanka  iyo guud ahaan Adduunweynaha intiisa kale   oon ka helno wixii dalkaas iyo dadkaas lagu horumarin lahaa.

 Waa aasaaskii Walaalnimada iyo horumarka deegaanka.iyadoo deegaankii aasnaa ee la ilaaway uu maanta yahay mid ifka u soo baxay.

 Waa dabayshii caafimaad ee deegaanka, waa dhismihii nolosha deegaanka iyo tasaamuxii ummadda dhexdeeda.

Waa dhab u wada xaajoodkii iyo dhiila tirkii ummaddeena.

 Waa kuwii soo dhammaystiri lahaa in nabad waarta geyigaasi laga helo,lagana raysto dhibkii iyo dhiigii joogtada ahaa.

  Waa badiilkii Jeel ogaadeen, oo noqodoonta Markas Islaami ah  siduu ballan qaaday madaxweynuhu.

 Walaalayaal Danteenu waa mid ,Diinteenuna waa mid ,Magaceenu waa mid,Midabkeenuna waa mid,Afkeenuna waa mid, Isirkeenuna waa Mid eedeenuna wa mid ee aan u wada guntano in aan gaadhno ummaddaha inaga tegay, aan innagu iska deyno hagardaamada iyo jilaafada dhexdeena ah, Dawladnimo waa wax naaso badan qofwalbaana halka uu jooguu kaga dhergi karaa, isaga oo sharaf leh,sharaftiisa iyo cisigiisuna u dhawrsanyahay,been abuurka iyo dacaayadaha raqiiska ah waa laga gudbay xiligeedii dadkuna wuxuu u hayaamay in uu heegada dhaafo. Maalin walba dhiilo iyo dhiig daata ummaddani umma baahna,cunuriyad iyo qabqabdhaafayna umma baahna.Nabadu waa naruurada Ummaddeena.

Hogaamiye kara oo kasa wuu hayaaye ha la garab istaago,si sharaf lehna ha loo taageero,in maamul suuban iyo midnimo lagu xajisto nimcada eebe inagu manaystay.

Maskaxdu ha shaqayso,in wax la dhisaa waa shay rafaad badan in la dumiyaase waa wax fudud,walaalayaal dumin yaan lagu fikirin ee in la wada dhiso halagu wada fikiro oo ninba dhinciisa dheeliga ka dhawro ha loo dhaqaaqo.

Qaran, Qawmiyad iyo qabiil kala qaayo weyn
 Qaranimadeene aan garano
waxaan qaybtan ku soo ururinayaa Maah maah ahayd.

Madxweynaha Abdi mohamoud omar waxaan leeyahay noqo sidii Amiirkii  Islaamka Omar Binu khadaab (Alle Ha KaRaali Noqdee). oo ogow dareenka xanuun ee hooyo walba cidlada ku haysta,iyo caruuraha dheriga madhan dabka loo saaro,kana fur kurbo kasta ood ka faydi karto Dadkaaga illaah masuuliyada kuu saaray,iskuna day in aad ka farxsi inta alle xilkooda ku saaray iyo intii talo nasteex kuu ah kula garab joogta,ogow in ay jiraan in badan oon ku soo gaadhi karin ,haddii ay ku soo gaadhi lahaayeena aad ka heli lahayd talo adduun iyo aakhiraba idin anfacda,intaasi kuma kooban Madaxweynaha ee walaalaha masuuliyada iyo xilka maanta u haya ummaddooda dhammaan waa dhambaal ku socda.

Nabad iyo Horumar

Walaalo is nacay way xoola yareeyaan wayna Xabaalo Badiyaan


la soco Qaybaha Dambe ee qormada

• < Prev
• Next >