Shirkii Stockholm oo Halkiisii ka Sii Socda

Sundbyberg (Stockholm) Shirkii wafdiga Dawlad Degaanka Soomaalida ee ku sugnaa dalka Sweden iyo jaaliyaadka Degaanka Soomaalida u dhalatay ayaa wali ka sii socda goob dalxiiska loogu talagay oo la yidhaahdo Marabou Park oo ku taala duleedka Sundbyberg.

Shirarka wafdiga oo ay u kala qaybiyeen 5 meelood ayaa si goos goos ah uga sii socda goobahaa dalxiiska, iyadoo laga raystay jaahiliintii nabad-diidka ee ka soo hor-jeeday in bulshada qurbo-joogta ah ay fikirkooda iyo aaraadooda si xor ah u dhiibtaan.

Sida wararku sheegayaan Ururka Somali Ethiopian Peace and Development Forum ayaa qaban-qaabiyay kulamadan isagoo dedaal adag u galay sidii ay shirarkan u noqon lahaayeen kuwo dhaxal-gal ah.

Wafdiga ayaa ilaa iminka waxay hanteen quluubta iyo niyada shacabka jaaliyaadka ee Degaanka u dhalatay. Waxaa kale oo iyagana meesha lagu arkaa dad wajiyadoodu farxad iyo raynrayn ka muuqato oo u hanqal-taagaya inay maanta yeesheen dawlada kaliya ee dad Soomaali ah ay leeyihiin oo ka aasaasan gayiga Geeska Afrika.

Jawiga dalxiiska ee goobta  Marabou Park ayaa u saamaxaysa inay ka qayb-galayaasha shirkan ay ku qaataan niyad-sami iyo farxad.

Wafdiga ayaa laftiisa aad ugu faraxsan sida ay u heleen shacabka intaa le'eg ee taageersan wanaaga, nabada, horumarka iyo dimuqraadiyada. Waxaa aad isku badashay fikirkii markii hore laga qabay jaaliyaadka Degaanka u dhashay oo waxaa la ogaaday in jaaliyaadku ay ku yar yihiinkuwa maskaxdoodu gaaban tahay ee ku ugaadhsada dhiiga shacabka.

Qaar ka mid ah jaaliyaadka shirka ka soo qayb-galay galabnimada maanta oo aanu waydiinay sida uu shuucuurtoodu tahay, ayaa noo sheegay in ayna malaysan karayn sida ay maanta wafdiga u qaabileen.

Casuumad to casuumad kale, marti-qaad ilaa marti-qaad kale, sooryo to sooryo kale, wada-hadal ilaa wada-hadal, waxaa loogu sii gudbaba waxaa dhawaan wafdiga dawlad Degaanka Soomaalidu uu uga sii gudbayaa madasha Stockhol dalalka Finland, Norway, iyo Iceland oo dalxiis gaaban ay ku marayaan inta ayna u baqoolin cariga Ingiriiska oo ah godka u danbeeya ee ay ka sifayn doonaan hadhaaga nabad-diidka, nolol-diidka, horumar-diidka iyo wanaag-diidka.

Sidaan hore u sheegnayba kubadii way ka soo tagtay garoomadii Huuraale, Sasabane, Birqod, dhaba-Jiriso, Shawli iyo geeska Afrika gabi-ahaantiisaba, waxayna iminka dhex taala Galbeed, hawadana waxay ka soo horjeedaa dhinaca kooxda nabad-diidka iyo xumaan falayaasha. Siidhi Walahuna wuxuu u janjeedhaa Wafdiga DDS, tarabuunka taageerayaashiisuna waxay u qaybsan yihiin qaar yar oo cadceeda fadhiya oo aan u adkaysan karin milicda oo mar dhawba iska hoyan doona. iyo inta badan oo fadhida dhinaca dedan oo aan ilaa ciyaartu dhamaato aan hoyanayn.

CakaaraNews

• < Prev
• Next >