Hambalyo ku socota Madaxwaynaha iyo Dawladda

Ku :  Madaxweynaha Dawlad  Degaanka Soomaalida
Ku :  Maamulka Degmada Xarshin.

Salaama Calaykum Waraxmatulaahi Wa Barakaatu. Qurbajooga jaalliyada degaanka Xarshin waxay mahadnaq,hambalyo iyo taageeraba  u soo dirayaan maamulka Dawladda Degaanka Soomaalida, Xisbiga haya maamulka iyo maamulka Degaanka Xarshin.

Haddii aanu nahay qorbajooga reer Harshin aad ayaanu ugu faraxsanahay sida dawladda ugu dadaalayso horumarinta adeegyada bulshada Harshineed iyo  qorshaha horumered ee kabashada dib u dhacii ku habsaday degaanka oo ahaan jiray hormoodka jiida.Waxaanu ka war haynaa inay Dawladdu hore ugu dirtay degaanka ”baabuur ambulance”ah oo u adeega bulshada, mustaqbalka dhawna la wado qorshihii biyo soo saarka, sidu noo sheegay Gudoomiyaha Xisbigu Mudane Cabdifataax Sheekh Cabdulaahi. Mudanayaal adingoo mahadsan naga gudooma hambalyada

Bulshada reer Xarshin haddii aanu nahay qorbajoogiina waxaanu idin faraynaa:-

1. ”Rag goggoshii waa nabad” Nabaduna waa hormoodka noolosha,nolon fiicana waa dhismaha iyo quruxda dadka iyo dalka.Waxaanu idinka codsanaynaa inaad nabadiina eebbe idinku manaystay inaad ilaashataan,dawladana gacan ku siisanaa, iskana soo qabataan nabad diidka.Waxaanu idin leenahay dawladiina u hogaansama.Dawladda xaqiina distooriga ah ka raadsada,dawladdana xaqeeda distooriga ah siiya oo sharciga dalka u yaalla la ixtiraamo dawladana lagu taageero hirgelintiisa.

2. Tacab iyo wax wadaqabsi ayaa horumar  lagu higsadaa  ee hal ku dhagiinu ha ahaado waar maxaa inoo dan ah.(Dalkan Sweden ee ka midka ah dawladaha hodanka ayaa taarikhdiisa lagu bartaa in dalka lagu hormariyey wax-wadaqabsi , kala danbayn iyo sharciga oo qofkastaa ixtiraamo).

3. Dadka sida xun u ceesha ee degaanka nabaadguurinaya iska qabta. Dadka kula taliya inuu qofkast meesha uu deganyahay ka beero laba geed.

4. Dadkii deggaanka uga barakacay adeeg la'aan ku dadaallo inay dib ugu soo noqdaan.

Haddii aan nahay qorbajooga  hadaan baraarugnay oo heegan u nahay inaan horumarinta degmada Harshin meel kasta oy tahay idin kala qayb galno.Labada bilood ee soo socda waxaa imanayaa dad soo darsa baahida degmada ,waxay soo arkaan dib ugula soo noqonaya jaaliyadda qorbajooga ah.

Alla Mahad Leh

Cabdillahi Fidaar Siciid

Af-hayaha ku meel gaadhka ah

E-mail: This e-mail address is being protected from spambots. You need JavaScript enabled to view it.

• < Prev
• Next >