Qaabilaadii Baaqa Odayaasha Oo Si fiican Usocota Iyo Madaxwayne Cabdi Maxamuud Cumar Oo Ka Hadlay

Jigjiga(Cakaaranews) Arbaco, 1da August 2018. .Waxaa si heer sare ah usocota qaabilaada iyo soo dhawaynta dadka ka qayb-qaadanaya shirwaynaha wadatashiga danaha soomaalida ee ka dhaci doona caasidama deegaanka ee magaalada jigjiga oo ka imanaya dal iyo dibadba islamarkaana ku imanaya baaqii odayaasha.

Hadaba madaxwayne Cabdi Maxamuud Cumar oo ka hadlay baaqa shirwaynaha wadatashiga baaqa odayaasha ee lagaga tashanayo danaha shacabka ayaa sheegay inay xukuumadu garab taagantahay islamarkaana ay soo dhawaynayso baaqa odayaasha ee shirwaynaha, wuxuuna madaxwaynuhu sheegay inay xukumadiisu ay ku baaqayso inay shirwaynaha kasoo qaybgalaan cid kaste oo kasoo jeeda DDSI mucaarad iyo muxaafidba iyagoo fikirkooda xor u ah sida ay odayaashuba ku cadeeyeen baaqooda iyo cid kaste oo talo iyo tusaale wax u tar u ah dadka iyo deegaanka haysa.

Ugu danbayna madaxwaynaha DDSI mudane Cabdi Maxamuud Cumar ayaa ku nuux nuuxsadey in XDSHSI yo xukuumada DDSI ay si wayn ugarabtaaganyihiin islamarkaana ay taageersanyihiin baaqa iyo gogasha nabadeed ee lagaga wadatashano danta shacabka soomilyeed ee ay fidiyeen odayaal dhaqameedka deegaanku. Madaxwaynaha ayaana hadalkiisii kusoo xidhay inay soo dhawaynayaan cid kaste oo qabta fikir ka duwan iyagoo fikirkooda xor u ah iyo cid alaale cidii haysa talo iyo tusaale waxtar u ah shacabka deegaanka.