Gudoomiyaha Gobolka Nogob Oo Bogaadiyay Natiijada Imtixaanka Fasalka 12aad

Sagag(Cakaaranews) Khamiis, 2da August  2018. Gudoomiyaha gobolka nogob mudane Axmed Xaaji oo kusugan xarunta gobolka nogob ee fadhigeedu yahay degmada Sagag ayaa bogaadiyay waxqabadka xafiiska waxbarashada ee DDSI sanadkii tagay ee 2010 EC maadaama uu xafiisku guulo laxaad leh iyo natiijooyin waxku ool ah kasoo hoyiyay natiijada intixaankii ardayda fasalka 12aad ee jaamacadaha kaladuwan ee dalka loogu xaroonayay dadaalkii uu galiyay awgeed isagoo sheegay inay ardaydii fasalka 12aad ee deegaanku ay sanadka 2010ka natiijooyin taabagal ah keeneen oo ay jaamacado helayaan tiro aad iyo aad ubadan.

Gudoomiyaha ayaa sidoo kale uhambalyeeyay ardayda sanadkan heshay jaamacadaha iyo waalidiintoodii lasoo dadaashayba.

Ugudanbayna gudoomiyaha ayaa kubooriyay xafiiska inuu dadaalkiisa sii labajibaaro sanadka 2011 EC wuxuuna kuguubaabiyay ardayda fasalka 12aad galaysa 2011 inay kudaydaan ardaydii kahoraysay oo ay dadaal dheeri ah layimaadaan si ay ugu guulaystaan jaamacadaha dalka islamarkaana ay sumcad iyo sharaf ugu soo hoyiyeen deegaanka.