Qurbajoogta DDSI Ee Wadanka Denmark Oo Qalab Caafimaad Oo Kaladuwan Ugu Deeqay Cusbitaalka Kaaramardha

Jigjiga(cakaaranews)Khamiis, 2da August, 2018. Jaaliyada DDSI ee kudhaqan wadankaasi  Denmark ayaa deeq qalabka caafimaadka ah oo kaladuwan soo gaadhsiiyay Cusbitaalka kaaramardha ee magaalada jigjiga. Iyadoo qalabkani uu yahay qalab heersare ah oo tayo leh islamarkaana ka kooban Sariiro electronig ah, qalabka kalyaha lagusifooyo, qalabka qalitaanka oo dhamaysran, qalabka wadnaha (ECG),mootooyinka curyaamada, oxygen concentration iyo qalabyo kale oo muhiim ah.

Hadaba, qalabkan ay qurbajoogtu soo gaadhsiisay hospitaalka ayaa waxaa kawarbixyay islamarkaana mahadcelin balaadhan kabixiyay Maareeyaha Hospitaalka Kaaramardha Dr Muxiyadiin Cismaan Axmed oo sheegay in qalabkan caafimaadku uu yahay qalab aad muhiim u ah islamarkaana ay aad ugu baahnaayeen. Wuxuuna xusay in jaaliyada wadankaasi ay aad ugu dadaaleen sidii ay qalabkan noosoo gaadhsiin lahaayeen. Wuxuuna mahadcelin balaadhan usoojeediyay jaaliyada wadankaasi denmarki sida wadaniyada leh ee ay qalabkan qaaliga ah ee tayodo leh ay usoo gaadhsiiyeen.

Sidookale, gudoomiye kuxigeenka jaaliyada wadanka Denmark mudane Cabdirisaaq Cabdi Cumar oo kamid ah xubnihii kudadaalay keenida qalabkan qaaliga ah oo kahadlay arrimaha qalabkan ayaa sheegay in maanta ay jaaliyada DDSI ee wadanka denmarki ay farxad wayn utahay marba hadii deeqdoodii ahayd qalabkan caafimaadka ee kaladuwan  ay soo gaadhay hospitaalka karamardha ee magaalada jigjiga. wuxuuna xusay ka jaaliyad ahaan in ay ka go'antahay wixii awoodooda ah ee ay kucaawin karaan bulshadooda ay geeskooda kala garab istaagan xukuumada DDSI.

Ugudanbayna, qaarkamid ah shaqaalaha cussbitaalka kaaramardha ayaa aad u bogaadiyay qalabkan islamarkaana duco badan usoojeediyay. Waxayna tilmaameen in jaaliyada wadanka Denmark ay yihiin dad danqasho leh islamrkaana bulshada deegaankooda waxwayn uqabtay, deeqdanina ay tahay sadaqo jaariyo ah.