የጅግጅጋ ከተማ አስተዳደር የከተማውን ዋና ዋና መንገዶች እድሳት እንደሚያደርግና አዳዲስ መንግዶችም እየሠራ መሆኑን ገለጸ

ጅግጅጋ(Cakaaranews)እሮብ፤ግንቦት 15/2010ዓ.ም የኢትዮጵያ ሶማሌ ክልል መንግሥት የክልሉን ዞኖችና ከተሞች የሚያስተሳስሩ መንገዶችና ትላልቅ ድልድዮች በአፋጣኝ የሚሠራበት ፖሊሲና ስተራቴጅዎች ነድፎ በክልሉ የሚገኙ ትላልቅ ከተሞችና በዞኖች ገጠር አከባቢዎች የመንግድ መሠረተ ልማት አገልግሎት ቀልጣፋ ለማድረግ በርካታ ሥራዎችን እየሠራ ይገኛል።

በዚህም የጅግጅጋ ከተማ አስተዳደር ከንቲባ ጽ/ቤት ኃላፊ አቶ አብዲአዚዝ መሀድ “በከተማው ዳርቻ ወይንም በቅርብ እርቀት ላይ የሚገኙ ሰፈሮች አዳዲስ የውስጥ ለውስጥ እና ረጃጅም የአስፋልት መንገዶች ግንባታ በክልሉ ኮንስትራክሽን ፣ ግዢና ልዩ አገልግሎት ኢንተርፕራይዝ እየተከናወኑ ነው” ብለዋል። በተጨማሪም በጅግጅጋ ከተማ የሚገኙ የ11 ፣ የ12 እና የ17 ቀበሌዎችን የሚያስተሳስር የአስፋልትና የድንጋይ ንጣፍ (ኮብል ስቶን) መንገዶች እድሳትና ጥገና እየተሠራ ከመሆኑም ባሻገር በከተማው ዳርቻ ላይ የሚገኘው የሼክ ኑር ኢሴ ሰፈርም አዲስ የአስፋልት መንገድ እየተሠራ መሆኑንም ኃላፊው ገልጿል።

በመጨረሻም በጅግጅጋ በሼክ ኑር ኢሴ መንገድ አካባቢ የሚሠሩ የታክሲ አሽከርካሪዎችና የትራንስፖርት አገልግሎት ሰጪ ባለሙያዎች የክልሉ መንግሥትና የጅግጅጋ ከተማ አስተዳደሩ በከተማው ቅርብ ርቀት ላይ የሚገኙ ሰፈሮች አዳዲስ የውስጥ ለውስጥ መንገዶች በመሥራቱ ከአሁን በፊት የነበሩትን የትራንስፖርት ችግሮች እንደሚቀርፍና  የክልሉ መንግሥት ለመንገድ መሠረተ ልማት በሰጠው ትኩረት ደስተኛ መሆናቸውን ገልጸዋል።

የቀብሪደሀር ከተማ አስተዳደር ከወጣቶች ጋር በሠላምና ልማት ዙሪያ ተወያየ

ቀብሪደሀር(Cakaaranews)እሁድ፤ግንቦት 12/2010 ዓ.ም በአጭር ጊዜ ውስጥ በክልሉ  የተገኘውን የሠላም ፣ የልማትና የመልካም አስተዳደር ተግባራት ለማጠናከር ሁሉም የቀብሪሀደር ከተማ አስተዳደር ወጣቶች የተሳተፉበት የሠላምና የልማት ኮንፈረንስ በቀብሪሀደር ከተማ ተካሄደ። በመድረኩም ላይ የክልሉ ቴክኒክና ሙያ ትምህርት ስልጠና ም/ቢሮ ኃላፊ አቶ በድሪ ዩሱፍ የዶ/ር አብዱልመጂድ ሁሴን መምህራን ኮሌጅ ዲን አቶ ኪፋህ መዓሊን የጅግጅጋ ጤና ሳይንስ ኮሌጅ ዲን አቶ ካሚል አብዲላሂ ሃይቤ እና የቆራሄይ ዞን አስተዳዳሪ አቶ አብዱልአዚዝ አህመድ በተጨማሪም የቀብሪሀደር ከተማ አስተዳደር ከንቲባ አቶ ዩሱፍ ሀሰን እንዲሁም ሌሎች የክልልና የዞኑ ከፍተኛ አመራር አካላት ተገኝተዋል።

በተጨማሪም መድረኩን የመሩት የኢ.ሶ.ክ ቴክኒክና ሙያ ትምህርት ስልጠና ም/ቢሮ ኃላፊ አቶ በድሪ ዩሱፍ ባለፉት ዓመታት በክልሉ በሁሉም የልማት ዘርፎች የተከናወኑትን ስኬቶች ማስቀጠልና በአሁኑ ወቅት ክልሉ ለደረሰበት የልማት ጎዳ የክልሉ ወጣቶች ትልቅ ሚና እንደተጫወቱ በመግለፅ  ክልሉ ያሳከቸዉን የልማት ሥራዎች በአንዳንድ የክልሉን ዕድገት በማይወዱ አካላት እየተከናወኑ ባሉ የልማት ሥራዎች እንቅፋት እንዳይሆኑ የክልሉም ሆነ የቀብሪሀደር ከተማ አስተዳደር ወጣቶች በንቃት መከላከል እንዳለባቸው ጥሪያቸዉን አቅርበዋል፡፡

አያይዞም በቀብሪደሀር ከተማ አስተዳደር በጥቂት ዓመታት ከተከወኑ የልማት ሜጋ ፕሮጀክቶች መካከል ቀብርደሀር ዩኒቨርሲቲ ፣ የቀብሪደሀር ዓለምአቀፍ አየር ማረፊያ ፣ የሁሉም የከፍተኛ ትምህርት ተቋማት ፣ የጋራ መኖሪያ ቤቶች እና ሌሎች የመሠረተ ልማት አውታሮችም ተጠቃሽ ናቸው ብለዋል ም/ቢሮ ኃላፊው አቶ በድሪ ዩሱፍ ።

በሌላ በኩል በክልሉ በተለያዩ የሀላፊነት ቦታ ላይ የሚገኙ የአመራር አካላት የኢ.ሶ.ክ. ባለፉት ዓመታት በሁሉም የልማት ዘርፎች ውጤታማ ስኬቶችን በመጎናፀፍ ክልሉ በአሁኑ ጊዜ በልማት ጎዳና ላይ መሆኑን በመግለፅ ፤ እንዲሁም ክልሉ ያሳከቸዉ የልማት ሥራዎች የማይዋጥላቸው የተለያዩ ፀረ-ልማት አካላት ለክልሉ የልማት ሥራዎች እንቅፋት እንዳይሆኑ መከላከል እንዳለባቸው ለወጣቶቹ ጥሪያቸዉን አስተላልፈዋል፡፡ አያይዘውም ኃላፊዎቹ በክልሉ የተጀመረዉን የሠላም ፣ የልማት ፣ የመልካም አስተዳድርና የህዳሴው የለውጥ ጉዞ ቀጣይነት እንዲኖራቸው የቀብሪዳሃር ወጣቶች የድርሻቸዉን እንዲወጡና ቀጣይነታቸዉን እንዲያረጋግጡ ጥሪያቸዉን አቅርበዋል፡፡

በመጨረሻም የቀብሪዳሃር ከተማ አስተዳድር ወጣቶች በበኩላቸው በክልሉ እየተከናወነ ያለዉን የሠላም ፣ የልማት ፣ የመልካም አስተዳድርና የህዳሴውን የለውጥ ጉዞ እንደሚደግፉና ከክልሉ መንግሥት ጎን ቆመው የበኩላቸዉን አስተዋፅኦ እንደሚያበረክቱ ተናግረዋል፡፡ አያይዞም ወጣቶቹ በክልሉ እየተመዘገቡ ያሉትን ዘርፈ ብዙ የልማት ሥራዎች የማይዋጥላቸው የተለያዩ ፀረ-ልማት ሀይሎችን እንዲሁም በክልሉ የልማት ሥራዎች ላይ እንቅፋት ለመሆን የሚሞክሩ አካላትን እንደሚከላከሉ እና እንደሚዋጉም ተናግረዋል፡፡ 

12ኛው የህዝብ እና መንግሥት የጋራ መድረክ ትናንት ፣ ዛሬና ነገን በጥልቀት የመረመረበት ጉባኤ እንደነበር ተገለፀ

አውበሬ(cakaaranews)ቅዳሜ ፤ግንቦት 10/2010ዓ.ም የኢትዮጵያ ሶማሌ ክልል ህዝብ እና መንግሥት በጋራ ያመጡት የክልሉ ዕድገት የማያስደስታቸው አካላት የተገኘውን የልማት ውጤቶች እና የህዝቡን ሠላም ለማናጋት ሌት ተቀን ቢሠሩም የክልሉ ህዝብ አፍራሽ ተልዕኳቸውን ጠንቅቆ ያውቃል ያሉት ወ/ሮ ፈርቱን አብዲ ማህዲ የኢ.ሶ.ክ የፋይናንስና ኢኮኖሚ ልማት ቢሮ ኃላፊ ናቸው።

12ኛው የአውበሬ የህዝብ እና መንግሥት የጋራ ምክክር መድረክ የ3 ቀናት ቆይታ የነበረው ሲሆን ህዝብ እና መንግሥት በጋራ በመሆን የክልሉን እና የሃገሪቱን የህዳሴ ለውጥና ዕድገቶችን ለማስቀጠል ቃል የተገባበት ጉባኤ ነበረ ያሉት የኢሶህዴፓ ማዕከላዊ ኮሚቴ አባል ወ/ሮ ፈርቱን አብዲ ክልሉ ያገኛቸውን የሠላም ፣ የልማት ፣ የመልካም አስተዳደር እና የዴሞክራሲ ሥርዓት ግንባታ ለውጦችን አጠናክረው እንደሚቀጥሉም ገልፀዋል።

በተጨማሪም የሀገሪቱም ሆነ የክልሉን ሠላም እና ልማት የማይወዱ አካላት ፀብ ለማጫር የሚቃጡበትን አፍራሽ ተልዕኳቸውን በነቂስ በመውጣት ሁሌ ከመንግሥት ጎን በመቆም ከደወንሌ እስከ ሞያሌ ያለው የሀገሪቱን ዳር ድንበርን በትጋት እንዲጠብቁ  በ12ኛው የህዝብ እና መንግሥት የጋራ ምክክር ላይ የተገኙት የክልሉ ሃገር ሽማግሌዎች ገልጸዋል።

በመጨረሻም በአውበሬ ወረዳ በነበረው 12ኛው የህዝብ እና መንግሥት የጋራ ጉባኤ ከ4 ሺህ በላይ ተሳታፊዎች የተገኙ ሲሆን በመድረኩም ላይ መንግሥት ከህዝብ ጋር በመሆን በክልሉ የታዩ ሁለንተናዊ ዕድገቶችን አጠናክሮ እንደሚሠሩም ቃል የተገባ ሲሆን የታዩ ክፍተቶችን ለማስወገድ መንግሥት ከህዝብ ጋር በጋራ በይበልጥ እንደሚሠሩም አስታውቋል።

የቀብሪበያህ ከተማ አስተዳደር የጋራ መኖሪያ ቤቶች አስመረቀ

ቀብሪበየህ(cakaaranews) )ቅዳሜግንቦት፣ 11 2010ዓ.ም የፌዴራሊዝምም ሆነ የክልል መግንስት የታችኛው አቅመ አናሳ ህብረተሰብ ክፍሎችን የመሠረተ ልማት እጥረት ለመቅረፍ ከተነደፉት ሜጋ ፕሮጀክት እቅዶች ፣ ስትራቴጅዎችና ፖሊሲዎች አንዱና ዋነኛው  ዘመናዊ የቤቶች ልማት መርሃ ግብርና ጥራት ያላቸውን የጋራ የመኖሪያ ቤቶች ግንባታ በማፋጠን ለተጠቃሚዎች አገልግሎት ማብቃት ነው። በዚህም በኢትዮጵያ ሶማሊ ክልል በቀብሪበያህ ከተማ አስተዳደር ከንቲባ የሚመራ የክልሉ አመራር አካላት በቀብሪበያህ ከተማ የተገነቡ ዘጠኝ የሚሆኑ የመኖርያ ቤቶችን አስመርቀዋል።

በተጨማሪም የቀብሪበያህ ከተማ አስተዳደር ከንቲባ አቶ ሙክታር መሀመድ አብዲ በ2010 በጀት ዓመት በቀብሪበያህ ከተማ አስተዳደር የተገነቡትን የጋራ መኖሪያ ቤቶች ማስመረቃቸውና ለከተማ አስተዳደሩ አቅመ አናሳ ለሆኑ የህብረተሰብ ክፍሎች ተጠቃሚ በማድረጋቸው እጅግ ደስተኛ ከመሆናቸውም በሻገር በጋራ መኖሪያ ቤቶቹ ግንባታ ወቅት በርካታ የሀገሪቱና የከተማ አስተዳደሩ ወጣቶች የሥራ እድል እንደተፈጠረላቸው ተናግረዋል። አያይዞም የጋራ መኖሪያ ቤቶቹ ለተጠቃሚዎች በእጣ መልክ እንዲታደሉ ከንቲባ አቶ ሙክታር መሀመድ  ገልጿል።

በ2010 በጀት አመት በቀብሪበያህ ከተማ አስተዳደር የተገነቡት የጋራ መኖሪያ ቤቶች ግንባታ በጥራትና በዘመናዊ መልኩ ተገንብተው ለታቀደለት የከተማ አስተዳደሩ የታችኛው ማህበረሰብ ክፍሎች ተጠቃሚ ተደርገዋል ያሉት የቀብሪበያህ ከተማ አስተዳደር የፋይናንስና ኢኮኖሚ ጽ/ቤት ኃላፊ ወ/ሮ ዘምዘም ሁሴን አብዲ ናቸው።

በመጨረሻም በቀብሪበያህ ከተማ አስተዳደር የተገነቡት የጋራ መኖሪያ ቤቶች በታደሉበት ጊዜ ተጠቃሚዎቹ በጥራትና በዘመናዊ መልኩ የተገነቡ ቤቶችን በማግኘታቸው በጣም ደስተኛ ከመሆናቸውም ባለፈ ለክልሉ መንግስት የላቀ ምስገናቸውን አቅርበዋል።

 

የኢትዮጵያ ሶማሊ ህዝብ የተገኘውን ሰላም እና ልማት ውጤቶች አጠናክሮ እንዲቀጥል ጥሪ ቀረበ

አውበሬ(cakaaranews)ማክሰኞ፤ግንቦት 7 ቀን፤2010ዓ.ም.በአውበሬ ወረዳ በተዘጋጀው 12ኛው የኢትዮጵያ ሶማሌ ክልል የሠላም ፣ የልማት እና የመልካም አስተዳደር  የህዝብ እና የመንግሥት የጋራ ምክክር መድረክ ላይ የተገኙ ተሳታፊዎች የተገኘውን ሠላም እና ልማት ውጤቶች አጠናክሮ እንዲቀጥል ጥሪ ቀርቧል። በዚህ የህዝብ እና የመንግሥት የጋራ ምክክር መድረክ ከክልሉ 11 ዞኖች፤ከ93ቱ ወረዳዎችና ከ6 የከተማ አስተዳደሮች የተገኙ የማህበረሰብ ክፍሎች የሃገር ሽማግሌዎች ፣ የጎሳ መሪዎች፤ የእምነት አባቶች፤ሴቶች ወጣቶች፤የዲያስፖራ አባላት፤ከፍተኛ የመንግሥት የስራ ሃላፊዎች እና ጥሪ የተደረገላቸው የክልሉ ተወላጆች የተገኙ ሲሆን ባለፉት 8 ዓመታት የተገኙት የልማት ድሎችን ለማስቀጠል ከመንግሥት ጋር አብረው እንደሚሠሩም ቃል የገቡበት ታላቅ ጉባኤ ነበር።

በተለይም ከክልሉ ሚዲያ  ጋር ቆይታ ያደረጉት የኢትዮጵያ ሶማሌ ክልል መንግስት ፕሬዝዳንት ክቡር አቶ አብዲ መሀሙድ ኡመር በዚህ የጋራ መድረክ መንግሥት የህዝቡን ተጠቃሚነት ለማረጋገጥ በወሰዳቸው ቁርጠኛ ተግባራት ባለፉት 8 ዓመታት የተገኙ ለውጦችና ዕድገቶች አበረታች መሆናቸው የገለፁ ሲሆን ይሄን የተገኘውን ሁለንተናዊ እድገት አጠናክሮ ለማስቀጠል እንደዚህ ዓይነት ታላቅ የመንግሥት እና ህዝብ የጋራ መድረክ አስፈላጊነቱን  አብራርቷ።

በተጠማሪም የክልሉን ሠላም እና ልማት የማይወዱ አካላት ባለፈው ሳምንት ፀብ ለማጫር እና ለማደፍረስ በማሰብ የተቃጣውን አፍራሽ ተልዕኮ የኢትዮጵያ ሶማሌ ክልል ህዝብ በተለያዩ ዞኖች፤ ከተማ አስተዳደሮች እና ወረዳዎች በነቂስ በመውጣት  ከመንግሥት ጋር መቆሙን ያሳየበት ታላቅ የድጋፍ ሠልፍ ህዝቡ ከመንግሥት ጋር መቆሙን የሚያሳይ መሆኑንም ክቡር ፕረዝዳንቱ አስገንዝቧል።

በ12ኛው ታላቅ የህዝብ እና መንግሥት ጉባኤ ላይ በክልሉ መንግስት በ2010ዓ.ም ባጄት አመት የ9 ወራት የሥራ እቅድ አፈፃፀም ሪፖርት የቀረበ ከመሆኑ በዘለለ ክልሉ በሠላም ፣ በልማት እና በመልካም አስተዳደር እንዲሁም በዴሞክራሲ ስርዓት ግንባታና በህዳሴ ትራንስፎርሜሽን  የታዩ ከፍተኛ ለውጦችን አጠናክሮ እንዲቀጥሉ ክቡር ፕሬዝዳንቱ ጥሪ አቅርበዋል።

Amharic News 21_11_10
{youtube}qs4R7tSsZOc
{/youtube}


Amharic News 20_11_10
{youtube}R-foOjWmBV4{/youtube}


Amharic News 19_11_10

{youtube}HFcch8uQyMs{/youtube}


Amharic News 18_11_10
{youtube}ZC6Kl7kmx4A{/youtube}


Amharic News 17_10_10
{youtube}JyZnLiG40Bk
{/youtube}


Amharic News 16_10_10

{youtube}PtfXBQeW3U0{/youtube}


Amharic News 15_10_10

{youtube}Gk_JWeevQgQ{/youtube}


Amharic News 14_10_10
{youtube}YmZzFQZSSEQ{/youtube}


Amharic News 13_10_10
{youtube}QYRb46_8d-I
{/youtube}


Amharic News 12_10_10

{youtube}0Reuz6vjHy0{/youtube}


Amharic News 11_10_10
{youtube}9_ge_jmnagM{/youtube}