Ramadan Kariim 



 

      

Ku Xigeenka Guud Ee hay’ada UNICEF Oo Si Diiran Loogu Soo Dhaweeyay jigjiga.

Jigjiga,(cakaaranews), Arbaca, 10ka May, 2017. Waxaa maanta si diiran loogu soo dhaweeyay garoonka caalamiga ah ee garaad wiil-waal ee magaalada jigjiga masuuliyiin sare oo uu hogaaminayo ku xigeenka guud ee hay’ada UNICEF mudane Dr Cumar Cabdi  oo ay wehelinayaan masuuliyiinta ugu saraysa hay’ada UNICEF dalkeena itoobiya.

Waxaana ku soo dhaweeyay garoonka diyaaradaha masuuliyiin sare oo ay ka mid yihiin la taliyaha madaxwayne DDSI ee dhinaca bini-aadanimada iyo xidhiidhka hay’adaha ahna wasiir ku xigeenka xafiiska ka hortaga iyo u diyaar-garowga masiibooyinka DDSI mudane Anwar Cali, wasiirka xafiiska caafimaadka DDSI mudane Xasan ismaaciil cali, wasiirka waxbarashada DDSI mudane Ibraahin Aadan Mahad, wasiir ku xigeenka maaliyada iyo horumarinta dhaqaalaha DDSI mudane jamaal faarax warmooge, wasiir ku xigeenka ka hortaga iyo u diyaargarowga masiibooyinka DDSI mudane Yaasiin Cumar  iyo masuuliyiin kale.

Masuuliyiintan sare ee ka socda hay’ada UNICEF ayaa waxa ay ujeedada socdaalkoodu tahay in ay u kuurgalaan xaaladaha abaarta ee saameeyay qaarka mid ah degmooyinka deegaanka iyo in ay sii xoojiyaan taageerada ay gaadhsiinayaan bulshada abaaruhu saameeyeen. Waxayna inta ay joogaan kulamo la yeelandoonaan masuuliyiinta ugu saraysa xukuumada DDSI.

 

 

Shirwaynihii 8aad Ee Wadatashiga Iyo Xog-Iswaydaarsiga Xukuumada Iyo Shacabwaynaha DDSI Oo Si Rasmiya U Furmay.

Jigjiga(Cakaaranews) Talaado 9ka May 2017. Waxaa maanta si qurux badan uga furmay madasha shirarka kaali ee xarunta madaxtooyada DDSI shirwaynihii 8aad ee wadatashiga iyo xog-iswaydaarsiga shacabwaynaha iyo xukuumada DDSI kaasi oo ah shir sanadii labajeer ka qabsooma deegaanka.

Hadaba Shirkan oo ay kasoo qaybgaleen mas'uuliyiinta ugu saraysa xukuumada DDSI oo uu ka mid yahay madaxwaynaha DDSI mudane Cabdi Maxamuud Cumar, golaha wasiirada DDSI , hagoomintii hore ee deegaanka soo maray oo ay ugu horeeyay madaxwaynayaashii hore ee deegaanka, odayaal dhaqameedka deegaanka, ergooyink ka badan 2,500 oo qof oo ka kala socda dhamaan gobolada DDSI, Maamul magaalooyinka iyo degmooyinka kuwaasi oo isugu jira odayaasha , haweenka, dhalinyarada iyo marti sharaf kale .

Waxaana Shirwaynahan wadatashiga iyo xog-iswaydaarsiga xukuumada iyo shacabka DDSI ugu horayn si rasmiya saaka u furay  madaxwaynaha DDSI mudane Cabdi Maxamuud Cumar oo ugu horayntii ugu mahad naqay ergooyinkan ka soo qaybgalay shirkan, Wuxuuna madaxwaynhu soo bandhigay ujeedooyinka iyo qodobada lagaga tashanayo shirkan oo uu sheegay in tahay sidii looga samata bixilahaa loogana gaashaaman lahaa xaaladaha abaarta iyo saboolnimada, sidii loo gaadhilahaa isku filnaansho qof ahaan qoys ahaan iyo deegaan ahaanba iyda oo laga waayo aragnimo qaadanayo xaaladaha abaarta ee saamaynta xooga leh u gaystay qaarka mid ah degmooyinka DDSI.

Sidoo kale madaxwaynaha DDSI mudane Cabdi Maxamuud Cumar ayaa xusay inuu kulankan  yahay sidii siwada jir ah loo gorfayn lahaa jihooyinka, istaraatajiyadaha iyo qorshayaasha horumarineed ee DDSI ee 7dii sanadood ee ugu danbaysay islamarkaana  la tashiga iyo ka qaybgalinta bulshada hawlaha horumarka, nabadgalyada iyo maamulka suuban, ay yihiin kuwo si toos ah u la halmaala xuquuqaha dimuqoraadiyadeed ee sida cad loogu qeexay dastuurka dalka, ta deegaanka iyo waliba barnaamijyada siyaasadeed ee XDSHSI iyo in shacabka la tuso in ay yihiin mulkiilayaasha, hirgaliyayaasha, ka faa’iidaystayaasha hawlaha horumarka nabadgalyada iyo maamulka suuban. Isagoo cadeeyay  in xooga la saaro wax soo saarka beeraha.

Wuxuuna Madaxwaynahu  si qoto dheer uga warbixiyay soonyaalkii taariikheed ee uu soo maray deegaanku gaar ahaan dhinacyada nabadgalyada oo uu ka warbixiyay heerka ay gaadhsiinayd, dhibaatooyinkii iyo hagardaamooyinkii lagu hayn jiray shacabka deegaanka iyo jihooyinkii, istaraatajiyadihii ay sanadihii ugu danbeeyay dajisatay xukuumada DDSI ee lagaga soo gudbay dhibaatooyinkii ka jiray deegaanka sidoo kale waxa uu sheegay madaxwaynuhu in shirkani mudda socdo lagaga tashan doono sidii loo sii xoojin lahaa qorshayaasha horumarka, nabadgalayda maamulka suuban, la dagaalanka aragtiyada xun xun sida xagjirnimada, argagixisad iyo dulsaarnimada.

Dhinaca kale waxaa furitaankii shirkan qayb ka ahaa kooxaha fanka iyo suugaanta DDSI oo ku soo bandhiyay dhaantooyin,heeso geeraaro iyo mujaajulooyin ku qotoma ujeedooyinka shirkan . shirkan oo sii socondoona maalmaha soo socda waxaad kala socondoontaan cakaaranews.

MW CMC Iyo Wafti Uu Hogaaminayo Oo Gaadhay Magaalada Baabili

Baabili(Cakaaranews) Isniin, 8da May 2017. Madaxwaynaha DDSI mudane Cabdi Maxamuud Cumar iyo wafti balaadhan oo uu hogaaminayo ayaa gaadhay magaalada baabili ee deegaanka oromiya. Ujeedada socdaalka waftigan uu hogaaminayo madaxwaynaha DDSI ayaa qayb ka ahayd sidii loo dhaadhicinlahaa hirgalinta heshiiska hore looga gaadhay khilaafkii xuduuda u dhaxaysa labada shacab ee dawlada deegaanka somaalida iyo dawlad deegaanka oromiya

Hadaba wwaftigan uu hogaaminayo madaxwaynaha DDSI ayaa kulan balaadhan la qaateen mas’uuliyiin ka socotay deegaanka oromiya oo uu hogaaminayo hogaanka nabadgalyada deegaanka oromiya Dambalaash iyo qaybaha kala duwan ee bulshada ku dhaqan magaalada baabili iyo nawaaxigeeda. Waxaana ugu horayntii kulankaasi ka hadlay madaxwaynaha DDSI mudane Cabdi Maxamuud Cumar oo sheegay in ujeedada kulankani yahay sidii looga hirgalinlahaa qaybaha kala duwan ee bulshadana fahan buuxa looga siinlahaa adkaynta heshiiskii ay dhawaan gaadheen labada dawlad deegaan. Wuxuuna madaxwaynaha DDSI  tilmaamay in labada shacab ay yihiin kuwo walaalo ah oo aan marnaba kala maarmikarin sidaasi darteedna tahay in la sii xoojiyo nabad kuwada nool laanshaha labada shacab 

Dhankiisa waxaa ka hadlay kulankaasi hogaanka nabadgalyada ee deegaanka oromiya oo wakiil ka ah madaxwaynaha deegaanka oromiya mudane Dambalash kaas oo sheegay in ay maanta tahay maalin taariikhiya oo la hirgaliyay dhaadhicinta heshiiskii ay gaadheen labada deegaan shacabka labada deegaana yahay kuwo walaalo ah islamarkaana loo baahanyahay in si walaaltinmo ah loo wada noolaado lana xoojiyo heshiiskii nabadeed ee dhexmaray labada deegaan.

Sidoo kale  Qaybaha kala duwan ee bulshada ku dhaqan magaalada baabili iyo nawaaxigeeda ayaa iyana si diiran u soo dhaweeyay masuuliyiintan maanta soo gaadhay iyo heshiiska ay gaadheen labada deegaan waxayna balan qaadeen in ay sidii loogu talagalay u hirgalinayaan heshiiska dhaxalgalka ah ee dhexmaray labada deegaan.

 

Tababar Gaaban Oo Loo Qabtay Shaqaalaha Xafiiska Waxbarashada DDSI

Jigjiga(cakaaranews)Isniin 8da May 2017. Tababar ay si wada jir ah usoo agaasimeen Wasaarada waxbarashada JDFI iyo xafiiska waxbarashada DDSI geedisocodkiisa shati-bixinta iyo dib u cusboonaysiinta xirfada barayaasha islamarkaana ujeedadiisu tahay fahanka habraacyada nidaamka shatibixinta, nidaamka loomiisaamo natiijada imtaxaanka, loona qabtay dhamaan shaqaalaha xafiiska waxbarashada DDSI ayaa kaqabsoomay hoolka shirarka ee isla xafiiska.

Hadaba, tababarkan ayaa waxaa ugu horayn furay Wasiirka Xafiiska Waxbarashada DDSI mudane Ibraahim Aadan Mahad oo sheegay in tababarkani yahay mid larabo in fahan buuxa laga siiyo dhamaan shaqaalaha nidaamyada iyo habraacyada shati bixinta kadib marka lamiisaamayo natijada imtaxaanka ee laga qaado macalimiinta, maamulayaasha, iyo waliba kormeerayasha ka hawlgala dugsiyada deegaanka. Wuxuuna intaa kudaray in casharada ay bixinayaan khabiiro ka socda wasaarada waxbarashada JDFI. Wasiirka oo hadalkiisa sii wata ayaa dhamaan shaqaalaha kula dadaarmay in tababarkan gaaban ay shaqaalauhu si fiican uga faaiidaystaan casharada.

Dhanka kale, Gadhwadeenka Geedisocodka Shatibixinta iyo Dib U cusboonaysiinta  Xirfada Barayaasha iyo Hogaaminta Waxbarashada mudane Mukhtaar Ibraahim Muxumed oo isna tababarkan kahadlay aya sheegay in tababarkan lagu qaadanayo casharo muhiim u ah dhamaan shaqaalaha. Wuxuna xusay in larabo in fahan buuxa aan kawada qaadano heerarka darajooyinka laga qiimeeyo barayaasha, maamulayaasha, iyo kormeerayaasha iyo waliba nidaamka kaydinta galka waxqabadka shaqsi ee looyaqaano (Portfolio)

Iskusoowada duuboo tababakan oo ahaa mid ay udhanaayeen shaqaalaha xafiiska waxbrashadu ayaa lafilayaa in soogabagaboobo bari hadu Allah yidhaahdo..

MW CMC Iyo Wafti Uu Hogaaminayo Oo Gaadhay Magaalada Jinacsani

Jinacsani(Cakaaranews) Axad, 7da May 2017. Madaxwaynaha DDSI mudane Cabdi Maxamuud Cumar iyo wafti balaadhan oo uu hogaaminayo ayaa gaadhay magaalada jinacsani ee deegaanka oromiya. Ujeedada socdaalka waftigan uu hogaaminayo madaxwaynaha DDSI ayaa qayb ka ahayd sidii loo dhaadhicinlahaa hirgalinta heshiiska hore looga gaadhay khilaafkii xuduuda u dhaxaysa labada shacab ee dawlada deegaanka somaalida iyo dawlad deegaanka oromiya

Hadaba  waftigan uu hogaaminayo madaxwaynaha DDSI ayaa kulan balaadhan la qaateen mas’uuliyiin ka socotay deegaanka oromiya oo uu hogaaminayo hogaanka nabadgalyada deegaanka oromiya mudane Dambalash iyo qaybaha kala duwan ee bulshada ku dhaqan magaalada jinacsani iyo nawaaxigeeda. Waxaana ugu horayntii kulankaasi ka hadlay madaxwaynaha DDSI mudane Cabdi Maxamuud Cumar oo sheegay in ujeedada kulankani yahay sidii looga hirgalinlahaa qaybaha kala duwan ee bulshada fahan buuxana looga siinlahaa adkaynta heshiiskii ay dhawaan gaadheen labada dawlad deegaan. Wuxuuna madaxwaynaha DDSI  tilmaamay in labada shacab ay yihiin kuwo walaalo ah oo aan marnaba kala maarmikarin sidaasi darteena tahay in la sii xoojiyo nabad kuwada nool laanshaha labada shacab 

Dhankiisa waxaa ka hadlay kulankaasi hogaanka nabadgalyada ee deegaanka oromiya oo wakiil ka ah madaxwaynaha deegaanka oromiya kaas oo sheegay in ay maanta tahay maalin taariikhiya oo la hirgaliyay dhaadhicinta heshiiskii ay gaadheen labada deegaan shacabka labada deegaana yahay kuwo walaalo ah islamarkaana loo baahanyahay in si walaaltinmo ah loo wada noo laado lana xoojiyo heshiiskii nabadeed ee dhexmaray labada deegaan.

Sidoo kale  Qaybaha kala duwan ee bulshada ku dhaqan magaalada jinacsani iyo nawaaxigeeda ayaa iyana si diiran u soo dhaweeyay masuuliyiintan maanta soo gaadhay iyo heshiiska ay gaadheen labada deegaan waxayna balan qaadeen in ay sidii loogu talagalay u hirgalinayaan heshiiska dhaxalgalka ah.

 

Maamulka Gobolka Galbeedka Hararge Ee Dawlad Deegaanka Oromiya Oo Deeq Raashin Ah Soo Gaadhsiiyay Maamulka Gobolka Siti Ee Deegaankeena

Afdam(Cakaaranews) Axad 7da May 2017. Maamulka gobolka Galbeedka Hararge ee deegaanka oromiya ayaa deeq raashin ah oo 1000 kintaal oo galay ah soo gaadhsiiyay gobolka siti ee deegaankeena.

Hadaba deeqdan raashinka ah ee deegaanka walaalaheen ah soo gaadhsiiyeen deegaankeena ayaa waxay ka qabsoomtay senterka diracle ee degmada afdam waxaana kasoo qaybgalay munaasabada lagaga  gudoomayay deeqdan raashinka ah mas’uuliinta ugu saraysa gobolka siti oo uu ugu horeeyo gudoomiyaha gobolka siti mudane CabdiWali Maxamed Faarax, qaarkamid ah Mas’uuliyiinta degmooyinka gobolka siti iyo odayaasha, Isagoo gudoomiyuhu sheegay inay aad oogu farxasanyihiin deeqdan raashinka ah ee ay soo gaadhsiiyeen maamulka galbeedka hararge ee  oromiya ee  deegaanka dariskeen ah ee walaaladeen ah, Wuxuuna gudoomiyuhu umahad celiyay maamulkan soo gaadhsiiyay deeqdan raashinka ah islamarkaana deeqdan tahay mid loogu talagalay shacabkii ay abaartu saamaysay sanadii hore ee ku dhaqan gobolka siti si kal iyo lab ahna ooga gudoomeen.

Dhanka kale waxaa isana dhankiisa ka hadlay gudoomiyaha gobolka  galbeedka hararge mudne Kafa oo sheegay inay deeqdan oogu talagaleen shacabka gobolka siti ee ay abaartu saamaysay sanadii hore, Wuxuuna gudoomiyuhu xusay in deeqdan ay tahay mid isusoo dhawaynaysa labaada shacab ee walaalaha ah ee deegaanka oromiya iyo deegaanka somaalida, Isagoo gudoomiyuhu xusay in shacabka labada deegaan ay yihiin dad walaala ah islamarkaana Kushitic isla ah dhaqana wadaaga.

Ugu danbayna waxaa dareenkooda ka hadlay odayaasha gobolka siti oo sheegay inay aad oogu faraxsanyihiin deeqdan raashinka ah ee ay soo gaadhsiiyeen walaalahooda maamulka galbeedka hararge ee deegaanka  oromiya islamarkaana ay si kala iyo lab ah ooga gudoomeen deeqdan raashinka ah.

More Articles...

  1. Ololihii Qaliinka Indhaha Iyo Daawaynta Ee Bilaashka ahaa Oo Ka Bilaabmay Gure-dhaamoole
  2. Xuskii 7Aad Ee Todobaadka Kulanwaynaha Tartanka Magaalooyinka Dalka Oo La soo Gabagabeeyay.
  3. Xafiiska Waxbarashada DDSI OO Sheegay In Loo Diyaargaroowbay Imtixaanaadkii Heer Qaran
  4. Mashruuca UPSNP ee MMJ Oo Shaqo Abuur Usameeyay 5000 Oo Qof
  5. Rajmantiga 15aad ee Ciidanka Gaarka Ah Oo Deeq Raashin Ah Gaadhsiiyay Senterka Bashuuro
  6. Degmada Donod iyo Biyo-Xidheenadii Oo Buuuxsamay
  7. Bangiga Ganacsiga Dalkeena Itoobiya Oo Lagu Wareejiyay Dhul Uu Ka Dhisayo Xarun Caafimaad
  8. Tababar Kusaabsan Kahortaga Xanuunada Faafa Oo Ka Furmay Magaalada jigjiga
  9. Mas’uuliyiinta Ugu Saraysa Dalka Oo Garoonka Caaalamiga Ee Bole Kusoo Dhaweeyay Madaxwaynaha Dalka Somaaliya.
  10. Kulanka Wadatashiga Yoolasha Horumarka Waara iyo waxqabadkii qorshaha (GTP2ga) Oo Ka Furmay Jigjiga.
  11. MW CMC Oo Uduulay Xarunta Dalka
  12. Kulan ku Saabsan Dar-dargalinta Shaqooyinka Oo Ka Dhacay MM Wajaale.
  13. MW CMC Iyo Waftigii Oo Dib Ugusoo Laabtay Xarunta Deegaanka.
  14. Deeq Caafimaad Oo Ay DDSI Gaadhsiisay Markii 3aad Magaalada Buuhoodle Ee Dalka Aan Dariska Nahay.
  15. Kulan Lagaga Hadlayay Xaqiijinta Tayada Xirfadlayaasha oo ka dhacay jigjiga
  16. MW CMC Oo Xadhiga Kajaray Mashaariico Kaladuwan Oo Horumarineed.
  17. Sanadguuradii 7aad Ee Xuska 7aadka Cadaalada Oo Siwayn Looga Xusay Deegaanka
  18. MW CMC Oo Xadhiga Kajaray Mashaariicaha Waawayn Ee Waraabka
  19. Xuska 7aad Ee Todobaadka Forumka Magaalooyinka Dalka Oo Si Rasmiya Uga Furmay Magaalada Gondher.
  20. MW CMC Oo U Amba Baxay Xadhig Kajarka Mashaariicaha Waawayn
  21. Madaxwaynaha Golaha Sare Arrimaha Islaamka Dalka Iyo Wafti Uu Hogaaminayo Oo Soo Gaadhay Xarunta Deegaanka
  22. MW CMC Oo Sheekh Maxamed Xuseen Alaamudiin Uga Mahad Celiyay Deeqda Uu Soo Gaadhsiiyay DDSI.
  23. Wafti Ka Socday Mashruuca DRSLP Oo Kulan La Yeeshay Mas’uuliyiinta Xukuumada DDSI.
  24. Tababar Loo Qabtay Kabineega Iyo Hormuudka Golaha Horumarinta ee Tuulooyinka Degmada Qalaafe
  25. Tababar Ku Saabsan Maaraynta Cudurada Dilaaca Oo La Soo Gabagabeeyay.
  26. Gudi Ka Socday Golaha Wakiilada Shacabka JDFI Oo Kulan La Yeeshay Ganacsatada DDSI.
  27. Kulan Lagaga Hadlayay dar-dargalinta Adeegyada Caafimaadka.
  28. Tababar kusaabsan kafaaiidaysiga waxsoosaarka calafka iyo dalagyada kaladuwan
  29. Ciidanka Difaaca Qaranka Dalkeena Qaybtiisa Qoraxay Oo Deeq Raashin iyo Booyado Biyo Ah Gaadhsiiyay Senterka Ceelbakool
  30. Kulan hoos loogu Dhaadhicinayay Hirgalinta Heshiiskii Labada Deegaan Oo ka Dhacay Deridhawa.
  31. Kulan Lagu Daahfurayay Mashruuca (DRDIP) Oo Ka Qabsoomay Magaalada Qabribayax
  32. MW CMC Iyo Wafti Uu Hogaaminayo Oo U Ambabaxay Magaalada Dire Dawa
  33. Senterka Daarusalaam Iyo Deeq Raashin Ah Oo La Gaadhsiiyay
  34. Tababar Ku Saabsan Isticmaalka Aalada Computerka Oo Loo Furay Maareeyayaasha Tuulooyinka
  35. Jaamacada Qabridahar Oo Dhismaheedu Meel Fiican Marayo
  36. Shirwaynihii 7Aad Ee Tayada Waxbarashada Jaamacadaha Dalka Oo Ka furmay jigjiga.
  37. Xuska Maalinta Cidhibtirka Gudniinka Fir-cooniga Ah Oo Si Heer Qaran Ah Loogu Xusya jigjiga.
  38. Tababar Uu Soo Agaasimay Xafiiska Horumarinta Beeraha Iyo Khayraadka Dabiiciga Ah DDSI Oo Loo Qabtay Xirfadlayaasha Iibka Iyo Xisaabaadka PSNP
  39. MW CMC Oo Kahadlay Hirgalinta Heshiiska iyo Digniin kuwajahan
  40. Garoonka Caalamiga Ah Ee Sida Casriga ah Loo Dhisayo Oo Si Habsamileh Usocda
  41. MW CMC Oo Faahfaahiyay Heshiiskii Soohdinta Labada Shacab
  42. MW CMC Oo Kusoo Laabtay Caasimada Deegaanka.
  43. Tababar, Wacyigalin Iyo Aqoon Iswaydaarsi Ku Saabsanaa Saamaynta Uu Qoxootigu Ku Reebay Bulshada Ayaa Ka Qabsoomay Boqolmaayo
  44. Filtu Oo Lagusoo Gabagabeeyay Adeegii Qalniinka Iyo Daawaynta Indhaha Bilaashka Ahaa Ee Gobolka Liibaan
  45. Ololo Balaadhan Oo dhanka Nadaafada Ah Oo Kadhacday Degmada Qalaafo
  46. Kulan Ku Saabsan Hirgalinta Xidhmaha Horumarinta Dhalinyarada Oo Ka Dhacay MM Wajaale
  47. Adeegii Qalniinka Iyo Daawaynta Indhaha Bilaashka Ah Ee Gobolka Liibaan Oo Galay Maalintii 4aad
  48. Tababar, Wacyigalin Iyo Aqoon Iswaydaarsi Ku Saabsanaa Saamaynta Uu Qoxootigu Ku Reebay Bulshada.
  49. Tababar Wacyigalin Ah Oo Loo Qabtay Culumo Owdiinka MMJ
  50. Tababar Ku Saabsan Nidaamka Maamulka Maaliyada (PFM) Oo Loo Qabtay Xubnaha Anshaxa Degmooyinka Deegaanka.
  51. Ololihii Qalniinka Iyo Daawaynta Indhaha Bilaashka Ah Ee Gobolka Liibaan Oo Galay Maalintii 2aad
  52. Tartan Aqoomeed Loo Qabtay Ardayda Dugsiyada MMJ
  53. Filtu Oo Uu Ka Bilowday Ololaha Qaliinka Iyo Daawaynta Indhaha Ee Bilaashka Ah
  54. Hogaaminta XDSHSI Ee Diri-dhabe Oo Lacag 800,000 ah Ugu Deeqay Gobolada Ay Abaartu Saamaysay
  55. MMJ iyo Kal-fadhigii 8aad Ee Golaha Xildhibaanada
  56. Cuspitaalka MM Godey Oo Ay Ka Qalinjabiyeen 20 Umuliso Dhaqameed
  57. Tababar Kusaabsan Wacyigalinta Guurka Degdega Ah
  58. Gobolka Siti Oo Bilaabay Goynta Calafka Xoolaha Oo Ay Ugu Deeqayaan Gobolada Ay Saamaysay Abaartu
  59. Degmada Hudhet Oo Lagusoo Gabagabeeyay Qalitaankii Indhaha Iyo Daawaynta Bilaashka Ahaa.
  60. MW CMC Oo U Duulay Xarunta Dalka Ee Addisababa
  61. MW CMC Oo Kulan Layeeshay Mas’uuliyiinta Heer Deegaan Iyo Odayaasha
  62. Munaasabad Lagu Sagootinayay Dhakhaatiirtii Deegaanka Axmaaradu U Soo Diray DDSI.
  63. Mas’uuliyiinta Degmada Hudhet Oo Kawarbixiyay Faaiidooyinka Laga Helay Dibudajinta
  64. Qiimaynta SM 2009 T.I Oo Kabilaabatay MMJ
  65. MM Godey Iyo Tababar Kusaabanaa Tacadiyada Kadhanka Ah Ee Jinsiga
  66. Hudhet Oo Uu Qalitaankii Iyo Daawayntii Indhaha Maalintii 2aad Galay.
  67. Imtixaanka Tijaabada Ah (Model Exam) Oo Ka bilawday Dugsiyada Sare Ee Deegaanka
  68. MW CMC Iyo Waftigii Uu Hogaaminayay Oo KuSoo Laabtay Xarunta Deegaanka.
  69. Qaliinka iyo Daawaynta Indhaha Oo Degmada Hudhat Si Rasmi Ah Uga Socota
  70. Dawlad Deegaanka Axmaarada oo Deeq Raashin Ah soo gaadhsiiyay DDSI
  71. Mashruucyadii Waa waynaa Oo Gabagaboobay iyo Political leaderskii Dhamaystiray Oo ay Xukuumadu Amaan Usoo Jeedisay
  72. MW CMC Oo Xadhiga Ka Jaray Buundada Korucelis
  73. MM Jigjiga Oo Talaalka Iyo Daawaynta Xoolaha Ka Fuliyay Tuulooyinka Hoosyimaada.
  74. MW CMC Iyo Waftigii Uu Hogaaminayay Oo Ceel-biyoodkii 7aad Xadhiga Ka Jaray
  75. Wasiirka Xafiiska Waxbarashada DDSI Oo Deeqo Raashin Ah Gaadhsiiyay Bulshada Gosoolalay.
  76. Mooyaale Iyo Qalitaankii Indhaha Iyo Daawaynta Oo Lasoo Gabagabeeyay
  77. Shaqaalaha Xafiiska Waxbarashada DDSI iyo Doorasho ay ku Dooranayeen Gudiyada Dib-umeelaynta Shaqaalaha.
  78. MW CMC Oo Xadhiga Ka Jaray Mashruuca Biyo Galinta Magaalada Dhanaan
  79. Xafiiska Xoolaha, Beeraha iyo Ilaalinta Deegaanka MMJ Oo Beeralayda Ugu Baaqay In Laga Faa’iidaysto Roobabka
  80. Mooyaale Iyo 1,095 Ruux Oo Aragoodii Indhaha Dib Uhelay
  81. MW CMC Oo Kulan Balaadhan La Yeeshay Dhalinyarada Ku Dhaqan Qabridahar.
  82. Xubnihii Ka Socday Midawga Axsaabta siyaasadeed ee dalka Oo kulan la Yeeshay Xukuumada DDSI.
  83. Wafti Kasocday Safaarada Maraykanka Iyo Hay’ada USAID Ayaa Kulan Laqaatay MW CMC
  84. Madaxa Xafiiska Beeraha Degmada Koonfurta Jigjiga Oo Ku Boorisay Shacabka In Ay Ka Faa’iidaysaan Xili-Roobaadka.
  85. MW CMC Iyo Waftigii Uu Hogaaminayay Oo Booqday Mashaariicaha Horumarineed.
  86. Shir Lagu Qiimaynayo Mashruuca PCDP Oo Kadhacay Degmada Hargeele
  87. MW CMC Oo Wasiirka Iskaashiga Caalamiga Ah Ee Dalka Germany Ku Soo Dhaweeyay Qabridahar.
  88. Dood Cilmiyeed Kusaabsan Geedka Garanwaaga Ah Oo Kadhacay Magalada Jigjiga
  89. Qabridahar Iyo Waftigii Uu Hogaaminayay MW CMC.
  90. Kulan Lagaga Hadlayay Xoojinta Hawlaha Horumarka Oo Ka Dhacay MM Wajaale.
  91. MW CMC Iyo Waftigii Uu Hogaaminayay Oo Soo Galay Awaare
  92. Gaashaamo Iyo Waftigii Uu Hogaaminayay MW CMC.
  93. Kulan Kusaabsan Ganacsiga Sharcidarada Ah Oo Loo Qabtay Ganacsatada MM Wajaale
  94. Gudiyada Dib U Meelaynta Shaqaalaha Xafiisyada Heer Deegaan Oo Tababar Loo Soo Gabagabeeyay.
  95. MW CMC Iyo Waftigii Uu Hogaaminayay Oo Soo Galay Marsin
  96. Tababar Ku Saabsan Nidaamka Maamulka Maaliyada Oo Loo Qabtay Qaarka Mid Ah Shaqaalaha Xafiisyada heer deegaan.
  97. Shir balaadhan Oo loo Qabtay Ururada Federtionka Ee Dhalinyarada Koonfurta jigjiga
  98. Tababar Kor Loogu Qaadayo Awooda Fulineed Ee Fudaydiyayaasha ABE yada
  99. Danood Iyo Waftigii Uu Hogaaminayay MW CMC
  100. Wasiirka Adeega Shacabka Iyo Horumarinta Cududa Shaqaalaha DDSI Oo Kulan dar-daaran ah la yeelatay kooxo loo dirayey gobolada deegaanka.