Shir lagu Qiimaynayay Mashruuca RIF ee Heer Qaran.

Naasireed,(CN) Axad, 17ka January, 2016, Waxaa lagu soo gabagabeeyay  magaalada Naasireed ee caasimada deegaanka Oromiya shir lagu qiimaynayay waxqabadka 6dii  bilood  mashruuca hoos u dhigida dhimashada hooyada iyo dhalaanka ee marka magaciisa la soo gaabiyo afka qalaad loo yaqaano RIF ee heer qaran oo mudo 3 maal-mood ah socday.

Shirkaasi qiimaynta ah oo ay hogaaminayeen masuuliyiin ka socday wasaarada caafimaadka ee JDFI ayaa waxaa ka soo qaybgalay masuuliyiinta mashruucan ee degaanada uu ka hawlgalo dalka  oo ah afar deegaan, kuwaasi oo kala ah deegaanka somalida itoobiya, Oromiya, Canfarta iyo deegaanka  Dhabuub.

Mashruucan oo ah mid hirgalintiisa la bilaabay sanadka 2008TI ayaa waxa uu ka hawlgalaa 144 degmo  oo ah  deegaanada dalka wuxuuna deegaanka somalida itoobiya ka  hawlgala dhamaanba degmooyinka deegaanka kaasi oo marka loo eego deegaanada uu ka hawlgalo dalka 50% ka hawlgalo DDSI.

Mashruucan ayaa waxa uu   diirada saaraa  xoojinta adeegyada caafimaadka gaar ahaan dhinaca hooyada iyo dhalaanka waana mashruuc hoos taga    xafiisyada caafimaadka ee deegaanada marka la eega deegaanka soomalida itoobiya ayaa   lixdii bilood ee uu jiray waxbadan ka qabtay dhinaca kor u qaadida iyo xoojinta  adeegyada caafimaadka.

Isku dugaha guud ee mashruucan hoos u dhigida dhimashada hooyada iyo dhalaanka ee deegaanka soomalida itoobiya  mudane Shaafici Daahir Muuse oo  ah masuuliyiinta deegaanka somalida itoobiya ka  qaybgalay shirkaasi oo aanu wax ka waydiinay qiimaynta ah ayaa sheegay in uu yahay mid lagu eegayey  waxqabadka mashruuca intii uu jiray oo ah lixdii bilood ee ugu danbeeyay. Wuxuuna sheegay in ay deegaanadu  ku soo bandhigayeen waxqabadka mashruucan, sidoo kalena ay garab socotay khibrad wadaaga ay is waydaarsanayeen  deegaanadu  kaasi oo gabagabadii laysla qaatay jihooyin lagu sii xoojinayo adeegyada uu bixiyo mashruucani isaga oo tilmaamay in qiimaynta xigta ee mashruucan lagu qabandoono deegaanka somalida itoobiya.