Ramadan Kariim 



 

      

Kulan Lagu Wareejinayay Mashruuca Biyo Galinta MM Qabridahar.

Qabridahar,(CN) jimce, 29ka January, 2016, Munaasabad  uu xafiiska horumarinta khayraadka biyuha DDSI  ku wareejinayay shirkadii ku guulasatay tartankii qandaraaska   mashruuca biyo galinta  iyo fayo dhawrka maamul magaalada qabridahar ayaa ka dhacday hoolka shirarka ee MM qabridahar.

 Waxaana munaasabadaasi furitaankeedii ka   soo qaybgalay masuuliyiin heer deegaan ah, masuuliyiinta Gobolka Qoraxay,  masuuliyiinta maamulka MM qabridahar iyo qaybaha kala duwan ee bulshada ku dhaqan MM qabridahar.

Munaasabadaasi  ayaa waxaa ka hadlay  wasiir ku xigeenka xafiiska horumarinta khayraadka biyaha DDSI mudane Cabdixaliim Axmed ismaaciil oo  ka warbixiyay dadaalada balaadhan ee ay xukuumada DDSI ugu jirto sidii bulshada deegaanka looga xaqab tirilahaa helitaanka biyaha nadiifta ah islamarkaana ay  qorshayaasha horumarineedna kuwa ugu muhiisan u  qaadatay horumarinta khayraadka biyaha. mar uu ka hadlayay masuulku  ahmiyada uu leeyahay mashruucani  ayaa waxa uu tilmaamay  in maanta   goobihii laga samaynayay qaybaha kala gadisan ee mashruuca lagu wareejiyay shirkada  qandaraaska  mashruucaas ku guulaystay ee shirkada Rabaax wuxuuna sheegay in ay  mashruucan ku   baxayso aduun lacageed oo ka badan  86,000,000.00 (sideetan iyo lix million oo birr) taasi oo loogu talagalay in mudo kooban lagu soo afmeero si ay uga faa’iidaystaan bulshada MM qabridahar.

Waxaa kale oo ka mid ahaa masuuliyiintii ka hadashay munaasabadaasi gudoomiyaha gobolka qoraxay   mudane Yuusuf Aadab Yuusuf iyo  maayirka MM Qabridahar marwo Ifraax Cumar Muuse.kuwaasi oo ka warbixiyay ahmiyada uu bulshada iyo guud ahaanka hawlaha horumarka u leeyahay mashruucani  waxayna sheegeen in mashruuca qayb ka yahay  qorshayaasha xukuumada ee muhiimada 1aad--5aad la siiyay biyaha  iyo ka jawaabida baahida shacabka  ee dhinaca biyaha

Dhankooda qaybaha kala duwan ee bulshada ku dhaqan mm qabridahar ayaa si balaadhan u soo dhaweeyay mashruucan biyo galinta iyo fayo dhawrka kuwaasi oo u  mahad celiyay xukuumada DDSI dadaalada culus ee ay ugu jirto kor u qaadida  nolosha bulshada deegaanka waxayna hoosta  ka xariiqeen  in ay hirgalinta mashruucan si buuxda uga qaybqaadan doonan.

Ugu danbayntii waxaa lagu wareejiyay hirgalinta mashruucan shirkada Rabaax uu ku guulasatay tartankii qandaraaskaasi waxayna masuuliyiinta shirkadani balan qaadeen in ay sida ugu dhakhsaha badan u fulindoonaan hirgalintiisa