CIID MUBAARAK



 

      

MW CMC Oo Soo Dhaweeyay MW Gal-mudug

Jigjiga( cakaaranews )Sabti 30ka April 2016,Madaxwaynaha DDSI mudane Cabdi Maxamuud Cumar oo ay wehelinayaan waftigii ka socday Dawlad Goboleedka Jubaland ee uu hogaominayay Madaxwaynaha Jubaland Mudane Axmed Maxamed Islaan, madaxwayne kuxigeenka DDSI ahna madaxa xarunta dhexe ee XDSHSI mudane Cabdicasiis Maxamed Cabdi iyo Masuuliyiin sar-sare oo labada dhinac ah ayaa duhurnimadii maanta si heer sare ah ugu soo dhaweeyay Gagida Diyaaradaha caalamiga ah ee Garaad Wiil-Waal Madaxwaynaha Dawlad Goboleedka Gal-mudug Mudane Cabdikariim Guuleed iyo wafti uu hogaaminayo.

Waftigan oo booqasho ku yimid xarunta deegaanka ee magaalada jigjiga iyagoo saaka kasoo kicitimay xarunta dalka ee adhisababa ayaa ugu horayn waxay indho indhayn ku sii mareen  Xarunta Madaxtooyada DDSI, kadibna waxaa si toosa loogu sii qaaday Guryaha Martida ee Qaryaan Dhoodaan. Halkaas oo qado sharafeed heer sare ah  loogu diyaariyay oo gaar ahaan madaxwaynayaashu si khaas ah ugu wada qadeeyeen.