Xuska Maalinka Ciidanka Hawaarto



 

      

Tababar Loo Qabtay Macalimiinta Dhiga Madooyinka Sceince iyo English

 Jigjiga(Cakaaranews) Arbaco 4ta Janaury 2017. Tababar usoo agaasimay xafiiska waxbarashada DDSI waaxdiisa horumarinta macalimiinta iyo waxbarashada DDSI oo loo qabtay macalimiinta dhiga maadooyinka Sceince iyo Englishka ee gobolada Faafan, Jarar,Siti iyo Erar, ayaa ka qabsoomay kuliyada maaraynta iyo adeega shacabka DDSI.

Hadaba tababarkan ayaa waxaa shabakada wararka cakaaranews ooga waramay agaasinka horumarinta macalimiinta iyo waxbarashada xafiiska waxbarashada DDSI mudane Faxaan Cabdi Makhtal oo sheegay inuu tababarkan ujeedadiisu yahay sidii kor loogu qaadi lahaa garaadka aqooneed ee barayaasha dhiga maadooyinka Sceince iyo English oo tiradoodu dhantahay 120 barayaal oo kala yimid degmooyinka gobolada faafan, jarar, Siti iyo Erar. Sidoo kale wuxuu agaasinku sheegay inuu xafiiska waxbarashada heer deegaan uu  dadaal dheer ugu jirto siduu kor oogu qaadi lahaa tayada macalimiinta deegaanka islamarkaana uu macalimiinta deegaanka uqabto tababaro lagu kobcinayo garaadkooda aqooneed ee bars barasho.

Dhanka kale wuxuu agaasinku xusay inuu tababarku socon doono mudo 5 cisho ah yahayna mid muhiim ah islamarkaana ay baraayaashu waxbadan ka faaiidi doonaan, Ugu danbayna wuxuu masuulku kula dardaarmay tababar qaatayaasha inay ka faaiidaystaan cashirka mudada uu tababarku socdo, Sidoo kalana wuxuu usheegay inay markay tababarka qaataan ay ka dhaqan galiyaan schoolada ay barayaasha ka yihiin.