Odayaal Dhaqameedka Deegaanka Oo Yeeshay Kulan Ay Kaga Hadlayeen Fikirada Cidhiidhyoon Ee Soomaaliwayn Iyo Arrinta Danbiile Qalbi Dhagax

Jigjiga(Cakaaranews) Isniin 4ta September 2017. Waxaa xarunta deegaanka ee magaalada jigjiga ka qabsoomay kulan balaadhan oo ay yeesheen odayaal dhaqameedka deegaanka oo ku saabsanaa fikirada cidhiidhyoon ee soomaali wayn iyo ahaanyashiyaha wadan ee danbiile cabdikariin sheekh muuse qalbi dhagax oo kamid ahaa kooxdii uu gabalkeedu dhacay ee UBBO  ee dhibaatooyinka kaladuwan ee dilka, kufsiga,dhaca, xasuuqa bahdilka  iyo boobka ku hayay shacabka DDSI ayaa waxay odayaal dhaqameedyada deegaanka ka hadleen in fikirada cidhiidhyoon ee maangaabnimada ah ee soomaali wayn kusalaysan iyo marin habaabinta ahaanshiyaha wadan ee danbiile cabdikariin sheekh muuse qalbi dhagax ay tahay fikirada guracan ee calooshood  ushaqaystayaasha diidan wada noolaanshaha wadamada bariga Africa.

Waxaana furitaankii kulankan ka hadlay odayaashii shirgidoonka oo sheegay inuu kulankan ku saabsan yahay hadalada dhag xumada ah ee kasoo yeedhaya bulshada soomaaliyeed ee walaaladeen ah islamarkaana ay wax kaga sheegayaan dawlada itoobiya oo ah dawladaanada, waxayna odayaal dhaqameedku ka hadleen in dulucda ujeedada kulanka uu yahay fikirada cidhiidhyoon ee Dadka aan xuduuda leenahay ee soomaaliya ee ka hadlaya arimaha itoobiya anaguna aanahay dad itoobiyaan ah Qalbi dhagaxna uu yahay nin deegaanka udhashay oo ahaa komishineerkii booliska degamada wardheer ee  ugu horeeyay  oo uu caasiyay ciidiisa islamarkaana waxyeelo ba’an ugaystay shacabka deegaanka gaar ahaan shacabka dollo. Sidoo kale waxay odayaashu xuseen inay dadka soomaaliyeed ee ka hadlaya arrimaha qalbi dhagax ay iska celiyaan ururka argagixisada ah ee al shabaab ee xasuuqa daran ku haya shacabkiina soomaaliya iyo waliba 30ka dawladood ee ajinabiga ah ee nabadiina ilaalinaya markaas kadib ayay idiin banaantahay inaad ka hadashaan arrimo dheeraad ah balse hada hadal idiin banaanayn.

Odayaasha oo hadalkoodii sii wata ayaa tilmaamay inay yihiin deegaanka soomaalida itoobiya haystaana horumar baaxad leh oo aysan haysanin shacabka soomaalida Kenya. Iyagoo intaa kudaray in ninka baarlamaanka soomaaliya ka tirsan ee la dhaho sakariya ee marwalba ka hadla afaaraha deegaankaanaga uu yahay nin al shabaab ah oo erateria joogijiray isalmarkaana ay u roontahay inuu ka hadlo danta shacabka soomaaliyeed balse uu faraha kalabaxo arrimaha deegaankanaga.

Ugu danbayna waxaa kulnka ka hadlay suldaan cabdiraxmaan suldaan duulane rafle oo ah suldaanka danbiile cabdikariin qalbi dhagax oo sheegay inuu qalbi dhagax xasuuq badan ka gaystay deegaanka gaar ahaan gobolka dollo oo uu isagu kasoo jeedo. Waxayna odayaashu hadalkooda kusoo koobeen in arinka qalbi dhagax ay utaalo dawlada itoobiya haday cafin iyo hadii kalaba balse hadalka ay dadka  soomaaliyeed isla dhex wareegayaan uusan waxba soo kordhin Karin.