Horumarinta Magaalooyinka Dalka iyo Dadaalada Ku Aadan

Adhisababa (cakaaranews) Talaado,19ka September 2017. Talaado, Kobcinta iyo horumarinta ku’aadan magaalooyinka dalka ayaa ah mid si wayn uga dhaxmuuqata qorshayaasha horumarineed ee dalka u yaala maadaama oo ay si xawli ah usocdaan koritaanka magaalooyinka dalku, si loo horumariyo dhamaan magaalooyinka dalkana, Waxaa xidhiidh lalasameeyay shirkad laga leeyahay wadanka Koonfurta kuuriya oo lagu magaacaabo JOO. taasoo la aaminsanyahay inay ku xeeldheer tahay dhanka horumarinta magaalooyinka iyo nidaamka maaraynta dhulka ee magaalooyinka, waxayna dalkeenan itoobiya ugu deeqday qalabyada casriga ah ee ku’aadan horumarinta magaalooyinka iyo maaraynta dhulka, qalabkaas oo u dhigma aduun lacageed oo dhan 1 bilion oo dolar.

Hadaba, dadaaladan kuqotama horumarinta magaalooyinka ee ay wado JDFI ayaa ah kuwa isa sootaraya waxaana kawrabixiyay mudane Salomon Kabade oo kamid ah masuuliyiinta u xilsaaran shaqooyinkan horumarinta magaalooyinka oo sheegay in dawladu wado dadaalo farabadan oo ku aadan dhanka horumarinta magaalooyinka ee ay ugu horeeyaan xogaha iyo maaraynta dhulka ee (Land information and management system). Wuxuuna xusay in qorshahan ku aadan horumarinta magaalooyinka ay hada kahorba u qorshaysnayd islamarkaana ay ahayd in mar hore lafuliyo laakiin dhanka kharashka awgii ay u taagnayd hadana sida ugu dhakhsaha badan loo hiraglainayo. Wuxuuna xusay in qorshahan hiragalintiisa aan loo kalahadhaynin islamarkaana madaxwaynayaasha deegaanadu ay kaqaybqaadanayaan hirgalinta qorshahan si wakhti gaaban loogu dhameeyo.

Sidookale, masuuliyiinta shirkadan JOO ee horumarinta dhulka ayaa iyana waxay wadaan tababaro iyo khibrad iswaydaarsiyo kaladuwan oo dhaxmaraya masuuliyiiinta iyo shaqaalaha horumarinta magaalooyinka taasoo ku'aadan xeeladaha horumarinta magalooyinka dalkeenan itoobiya.

Dhankakale, qorshahan horumarinta magalooyinka ayaa waxaa Dhawaan laga bilaabi islamarkaana si toosa looga hirgalin doonaa  11 magaalo oo ay kamid tahay caasimada dalka ee adhisababa Iyadoo dhamaadka qorshaha 5ta sano ee kobaca iyo isadalka dhaqaalaha wajigiisa 2aad lafilayo in laga hirgaliyo 91 magaalo oo kamid ah magaalooyinka dalka.

Iskusoowada duuboo, nidaamyadan lagu horumarinayo magaalooyinka dalka ay qaybka ah kamidho dhalinta qorshaha koboca iyo isbadalka dhaqaalaha wajigiisa labaad islamarkaana dalku ku higsanayo kamid noqonshaha wadamada dhaqaalahoodu dhexdhexaadka yahay.