Wasiirka Dhaqanka Iyo Dalxiiska DDSI Oo Ka Warbixiyay Qorshaaal Kor Loogu Qaadayo Dhaqanka Iyo Dalxiiska Deegaanka.

Jigjiga,(cakaaranews), Arbaca, 20ka September, 2017. Wasiirka  Dhaqanka iyo Dalxiiska DDSI mudane Baashe Cabdi Ismaaciil oo xafiiskiisa ugu waramayay warbaahinta deegaanka ayaa ka warbixiyay qorshayaal kor loog u qaadayo dhaqanka iyo dalxiiska deegaanka.

Wasiirka ayaa sheegay in xukuumada DDSI sanadihii ugu dambeeyay xooga saartay sidii kor loogu soo qaadilahaa dhaqanka iyo hidaha deegaanka loona gaadhsiin lahaa dalkeena iyo caalamkaba    isaga oo sheegay in ay bulsho jiri karto oo kaliya  inta dhaqankeeda  jiro dhaqanka  waxa uu  mideeyaa bulshada Sida bulshooyinka aduunka ay kula muuqaal gadisan yihiin yaa waxaa u kala gadisan luqadohooda dhaqankooda, labiskooda iyo caadooyinkooda. Dhaqan iyo luqad kasta wuxuu xambaarsan yahay cilmi iyo aqoon ku dhisan degaanka, sida cilmiga dalaga beeraha, daawo dhireedka, cimilada, farshaxanka, taariikhda iyo xirfadaha nolosha, dhaqan kasta wuxuu ku soo kordhiyaa aduunka horumar, ilbaxnimo, aqoon iyo waayo aragnimo ayuu yidhi wasiirku.

Wasiirka oo  ka warbixinayay waxqabadka xafiiska dhaqanka iyo dalxiisa ee sanadkan ugu dambeeyay ayaa  tilmaamay in guulo waawayn laga gaadhay kor u qaaditaanka  dhaqankeena iyo hidaha  la gaadhsiiyay tiyaatarada dalkeena itoobiya islamarkaana la gaashsiindoono tiyaatarada dhaqanka caalamka  wasiirka ayaa sheegay in dhinaca kale guulo waawayn laga gaadhay kor u qaaditaanka goobaha taariikhiga ah ee dalxiiska deegaanka si ay u soo jiitaan indhaha dalxiisayaasha loogana helo ilo horumarineed oo mug leh isaga oo sheegay goobaha dalxiisa ee uu deegaankiinu hodanka ku yahay wasiirka oo hadalkiisa sii wada ayaa sheegay qorshayaasha u dajisan xafiiska dhaqanka iyo dalxiiska lagaga midho dhalinayo dhaqanka,  hidaha iyo dalxiiska.

Ugu  dambayntii wasiirka ayaa ku booriyay  guud ahaanba bulshada in ay ka qayb-qaataan qorshayaasha kor loogu qaadayo hidaha dhaqanka iyo goobaha dalkiisa qofwalibana uu ku faano la isku sharfo karaameeyo dhaqankeena wanaagsan.