Tababar Ku Saabsan Ka Hortaga Iyo Maaraynta Cudurka jadeecada Oo Lagu Soo Gabagabeeyay jigjiga.

Jigjiga,(cakaaranews),Sabti, 23ka, September, 2017. Tababar uu soo diyaariyay xafiiska caafimaadka DDSI oo loo qabtay xirfadlayaasha caafimaadka ee dhamaan xarumaha caafimaadka iyo cusbitaalada deegaanka ayaa lagu soo gabagabeeyay caasimada deegaanka ee jigjiga gaar ahaan hoolka shirarka ee nogob huteel.

Tababarkaasi oo ay ujeedadiisu ahayd sidii fahan buuxa looga siin lahaa xirfadlayaasha caafimaadka ee  xarumaha iyo cusbitaalada deegaanka ka hortaga, tir tirida, xakamaynta iyo daawaynta cudurka jadeecada/duumada  ayaa waxaa soo xidhitaankii tababarkan ka hadlay wasiirka caafimaadka DDSI mudana Xasan Ismaaciil Cali oo ka warbixiyay tabaha iyo xeeladaha lagu tir tiro cudurka jadeecada/duumada  iyo waliba dadaalka ay xukuumada DDSI gaar ahaan xafiiska caafimaadku ugu jiro sidii loo tir-tirilahaa cudurka jadeecada wasiirka ayaa sheegay qorshaha la qaatay dalkeena iyo deegaankuba yahay in guud ahaanba dalka lagaga  tir tiro  cudurka duumada/jadeecada taasi oo guulo waawayn laga gaadhay balse loo baahan yahay in la sii xoojiyo qorshayaasha lagaga hortagayo laguna tir-tirayo cudurka jadeecada wasiirka yaa ku booriyay xirfadlayaasha caafimaadka ee loo soo xidhay tababarka in sidii loogu talagalay uga midho dhaliyaan fahankii ay ka qaateen cashiradii ay barteen mudadii uu socday tababarku,

 

Dhankooda qaarka mid ah xirfadlayaashii caafimaad ee qaatay tababarkan ayaa sheegay in mudadii uu socday tababarku fahan buuxa ka qaateen  istaraatajiyadaha , tabaha iyo xeeladaha looga hortaga laguna tir tiro iyo sida adeeg deg deg oo daawayn ah loo siiyo qofka uu ku dhacdo jadeecadu . waxayna hoosta ka xariiqeen in marka ay ku noqdaan goobtii shaqada ay sidii loogu talagalay u meelmarinayaan ujeedooyinkii laga lahaa tababarkan si loo gaadho natiijada lagu tir tirayo jadeecada. Tababarkan ayaa socday muddo 4 maalmood ah waxaana cashiridiisa bixinayay khabiiro ka socday xafiiska caafimaadka DDSI.