Socdaalkii BBC Iyo MW CMC Oo Xadhiga Kajaray Mashruuca Biyo Galinta Masaafada-Dheer wajigiisa 2aad Ee Birqod, Gunagado, Danood, Dig, Marsin iyo Gaashaamo

Marsin(cakaaranews)Sabti 23 September 2017.Madaxwaynaha DDSI mudane Cabdi Maxamuud Cumar iyo waftigii balaadhnaa ee uu hogaaminayay ee maalmahanba kugudajiray socdaalkii lamagacbaxay Biyo, Baad, Beer Cilmi iyo Caafimaad (BBC) oo habeenimadii xalay ahayd u hooyday degmada Dig ee Gobolka Jarar ayaa saaka si rasmi ah xadhiga uga jaray  mashruuca wayn ee biyo-galinta masaafada-dheer wajigiisa 2aad ee laga hirgaliyay dhul-daaqsimeedka degmooyinka Birqod, Gunagado, Danood, Dig , Marsin iyo Gaashaamo, kaasoo ah mashruucii ugu horeeyay oo noocan ah oo laga hirgaliyo deegaanka.

Hadaba, Mashruucan ayaa waxa uu kufadhiyaa dhul dheerarkiisu dhanyahay 160 km iyadoo marka lagudaro leexleexadka meelaha ay marayaan tuumbooyinka biyaha ee mashruucu ay masaafo ahaan noqonayso 215km2 taasoo u dhaxaysa degmooyinka kala ah Birqod, Gunagado, Danood, Dig , Marsin iyo Gaashaamo islamarkaana ay kawada faa'iidaysanayaan

Sidookale mashruucan biyogalinta wajiga 2aad ayaa waxuu leeyahay 36 water point, 24 dararka xooluha kacabaan ah iyo wliba 13 kayd-biyood islamarkaana ay kafaaiidaysanayaan bulsho kabadan 154 kun oo qoys  iyo waliba xoolo kabadan halmilyan iyo badh

Dhanka kale, mashruucan ayaa waxaa iskudar kubaxday aduun lacageed oo dhan 390 milion oo bir waxaana xusid mudan in tuumbooyinka mashruucan loo isticmaalay dhanka biyogalinta  ay yihiin nooc casri ah oo tayo oo ah nooca looyaqaano HDPE.

Iskusoowada duuboo, waftigan Balaadhan ee uu Hogaaminayo Madaxwaynaha DDSI mudane Cabdi Maxamuud Cumar ayaa caawa KU dheelmaday Degmada Marsin ee Gobolka Qoraxey iyadoo bulshada kudhaqan tuulooyinka iyo degmooyinka uu mashruucani maro ay aad u bogaadiyeen islamarkaana qaadan waa kunoqtay biyaha laga keenay degmada Birqod ee ay kacabayaan dadka iyo duunyada kunool degmooyinka Gunagado, Dig, Danood, Marsin iyo Gaashaamo. Waxayna mahadcelin balaadhan u soojeediyeen xukuumada DDSI iyo XDSHSI ee uu ugu horeeyo Madaxwaynaha DDSI mudane Cabdi Maxamuud Cumar.