Xafiiska Waxbarashada DDSI Oo Dhamaan Gobolada Deegaanka U kala diray Kooxaha Abaabulka iyo Diwaangalinta Caruurta Da’da Waxbarashada Gaadhay.

Jigjiga(cakaaranews)Axad 24ka September 2017. Xafiiska waxbarashada DDSI oo kaduulaya qorshayaasha u yaala ayaa dhamaan gobolada, degmooyinka iyo maamul-magaalooyinka deegaanka udiray kooxo loogu talagalay hirglinta qorshaha abaabulka iyo wacyigalinta diwaangalinta ardyda ee sanad dugsiyeedkan 2010 T.I.

Hadaba, wasiirka Xafiiska Waxbarashada DDSI mudane Ibraahim Aadan Mahad oo warbaahinta lahadlay ayaa sheegay in xafiisku uu dadaal ugujiro kamidho dhalinta qorshayaasha uyaala bahda waxbarashada deegaanka islamarkaana uu kooxo iskudhaf ah u diray dhamaan gobolada deegaanka kuwaasoo ujeedadoodu tahay abaabulka diwaangalinta iyo wacyigalinta dhamaan caruurta da’da waxabarashada gaadhay, diwaangalinta waxbarashada dadka waawayn iyo waliba diwaangalinta dadka waxbarashada baahida gaarka ah qaba. Wuxuuna tilmaamay in kooxahani sidookale ay u kuurgalayaan caqabadihii dhanka waxbarashada ee sanadkii dhamaaday si ayna mardanbe u dhicin

Ugudanbayna wasiirka ayaa dardaaran u soojeediyay kooxaha shaqadan abaabulka baxaya, dhamaan maamulada heerarkooda kaladuwan iyo waliba waalidiinta caruurta, isagoo sheegay in sifiican oo iskuduubni ah looga qaybqaato wacyigalinta iyo abaabulka waxbarashada ee sanad dugsiyeedkan 2010 T.I si deegaanku uga baxo jahliga yo saboolnimada.