Deeq Raashin ah Oo La Gaadhsiiyay bulshada DDSI Ee Ka Soo Barakacday deeganka Oromiya.

Qolaji,(cakaaranews),Isniin,  25ka September, 2017.  Hay’adan wadiniga ah ee Donjanmariya oo ka mid ah hay’adaha wadaniga ah ee ka  hawlgala deegaanka  kana shaqeeya hawlaha horumarinta bulshada ee  dhinacyada waxbarshada ,biyaha, caafimaada iyo kaalin ka gaysashada hawlaha gar-gaarka bulshada deegaanka ayaa maanta deeq  isugu jirta raashinka noocyadiisa kala duwan gaadhsiisay bulshadii deegaanka  ee ka soo barakacday deegaanka oromiya ee did u dajinta xukuumada DDSI ugu samaysay tuulada qoloji

Waxaana deegtay raashinka kala wareegay hayadan masuuliyiinta ugu saraysa xafiiska ka hortaga iyo u diyaar  garowga masiibooyinka DDSI waxaana  ugu horayntii  deeqdan la gaadhsiiyay bulshada ka soo baracaday deegaanka oromiya ka hadlay wasiirka xafiiska ka hortaga iyo u diyaar-garowga masiibooyinka DDSI mudane xuseen maxamed xasan oo ka warbixiyay dadaalka xoogan ee ay xukuumada DDSI ugu dajinta  bulshada  deegaanka soomalida itoobiya ee ka soo baracaday gudaha deegaanka oromiya   isaga oo uga mahadnaqay ha’yadani donjamariya ee  raashinkan muga leh soo gaadhsiiyay bulshada soo barakacday  sida wanaagsan ee ay iskaga xilqaantay in ay  deeqdan raashinka ah soo gaadhiisyo wasiirka ayaa sheegay in tahay arin ku dayasha mudan islamarkaana  looga baahan yahay qaybaha kala duwan ee bulshada iyo hayadaha aan dawliga ahayn in ay ka qayb-qaataan dadaalka ay xukuumada DDSI ugu jirto sidii kor loogu qaadilahaa nolosha bulshada soo barakacday gaar ahaan gar -gaarka la gaadhsiinayo bulshada deegaanka ee ka  soo barakacay gudaha deegaanka oromiya.

Dhankiis maareeyaha guud ee hay’ada wadaniga ah ee donjanmariya mudane Fu’aad Alamire ayaa sheegay in haayadu iyada oo ka jawaabaysa baaqii xukuumada deegaanka ay ka qayb-qaadan doonaan taageera siinta dajinta dadka soo barakacay isaga oo ka warbixiyay raashinka noocyadiisa kala duwan ee ay wakhtixaadirkan soo gaadhsiiyeen bulshada soo barakaday kuwaasi oo kala ah buu yidhi bariis, sonkor, daqiiq, saliid, boorash, digir iyo buskud.

Dhankooda qaybaha kala duwan ee bulshada ka soo barakacday gudaha deegaanka oromiya ayaa sheegay in aad ugu faraxsan yihiin sida ay xukuuamda DDSI ugarab qabatay islamarkaana ka dhigtay kuwo ay  noloshoodu dagan tahay  oo haysta nolol wanaagsan waxayna ugu mahad naqeen hay'ada maanta soo gaadhsiisay deeqdan raashinka ah.

Ugu dambayntii Xukuuamda DDSI ayaa tan iyo intii ay ka soo barakacday bulshada deegaanku gudaha deegaanka oromiya xilwayn iska saartay sidii bulshada loogu samayn lahaa deganaansho iyo nolol dhamaystiran.