Kulan Balaadhan Oo Lagaga Hadlayo Arimaha Ilaalinta Deegaanka Oo Ka Fumray Jigjiga.

Jigjiga,(cakaaranews),talaado, 7da November, 2017. Waxaa maanta ka furmay magaalada jigjiga gaar ahaan madasha shirarka  kaali ee xarunta madaxtooyada DDSI  kulan  balaadhan oo lagaga hadlayo ilaalinta deegaanka gaar ahaan xakamaynta iyo ka hortaga xaalufinta dhirta, tir tirida xayn-daabka  seeraha sharcidarnada ah iyo guud ahaanba  dar-dargalinta  qorshayaasha horumarka deegaanka.

Kulankan oo ah kii ugu horeeyay ee  taariikhda deegaanka  abid ay  ka soo qaybgalaan hogaaminta tuulooyinka DDSI   ayaa waxaa hogaaminayay madaxwaynaha DDSI mudane Cabdi Maxamuud Cumar iyo afhayeenka golaha xildhibaanada  DDSI ahna gudoomiyaha XDSHSI mudana Maxamedrashiid Isaaq, waxaana ka soo  qaybgalay, masuuliyiinta xafiisyada heer deegaan, hogaaminta gobolada DDSI, maamul magaalooyinka, degmooyinka iyo  tuulooyinka DDSI.

waxaan, furitaankii kulankan ka hadlay madaxwaynaha DDSI mudane Cabdi Maxamuud Cumar oo sharax dheerka bixiyay ajandayaasha  kulankan madaxwaynaha ayaa sheegay in ujeedada kulankani tahay sidii  loo hirgalin lahaa istaraatajiyadaha iyo qorshayaasha  kor loogu qaadayo ilaalinta deegaanka gaar ahaan qorshayaasha lagu xakamaynayo xaalufinta dhirta, nabaad guurka carada,  xayn-daabka seeraha sharcidarnada ah iyo sidii loo dar-dargalin laha guud ahaanba qorshayaasha horumarka deegaanka madaxwaynaha ayaa sheegay in mudada uu  kulankani socdo  ay hogaaminta deegaanka heerar-kooda kala duwan si mug leh u gorfayndoonaan taabagalinta qorshayaashaasi.

dhankooda qaarka mid ah hogaaminta deegaanka gaar ahaan gudoomiyayaasha tuulooyinka DDSI  oo ka hadlay kulankaasi ayaa sheegay in ay tahay muhiim ilaalinta deegaanku  kuwaasoo  balan qaaday in ay sidii loogu talagalay u hirgalinayaan qorshayaasha lagu xakamaynayo xaafulinta dhirta  iyo xayn-daabka seeraha sharcidarada ah kulankan ayaa maal-mahan soo socda ka sii socondoona madasha shirarka kaali ee xarunta madaxtooyada DDSI.