Xaf-Arrimaha Haweenka Iyo Caruurta Oo Deeqo Kaladuwan Gaadhsiiyay Senterka Qoloji

Qoloji (cakaaranews)Isniin, 13ka Novemebr 2017. Wafti iskudhaf ah oo ay hogaaminayso Wasiirada Xafiiska Arrimaha Haweenka iyo Caruurta DDSI  marwo Raxma Suldaan Maxamuud Haybe ayaa deeqo kala duwan gaadhsiiyay bulshada soomaalida ah ee kasoo barakacday deegaanka oromada ee xukuumadu dajisay senterka qoloji.

Hadaba, Wasiirada Xafiiska Arrimaha Haweenka iyo Caruurta DDSI marwo Raxma Suldaan Maxamuud Haybe oo ka warbixisay deeqahan ay gaadhsiiyeen senterka qoloji ayaa sheegtay in deeqahani ay isugujireen Agab sharafeed(dignity kit) oo dhan 2000 iyo 51 kaartoon oo iskugu jira Dawo iyo qalab kale oo ah agabka caafimaadka hooyada ee loo isticmaalo Dhalmada hooyada afka qalaadna lagu magacaabo (Emergency reproductive healthy kits). Waxayna wasiiradu intaa kudartay in xafiisku agabkan uu kahelay hay’ada UNFPA islamarkaana uu si habsami leh xafiisku u gaadhsiiyay bulshada soomaalida ah ee kasoo barakacday deegaanak oromada gaar ahaan bulshada ladajiyay senterka qoloji1  iyo quliji2. Waxayna tilmaantay in agabkan taakulaynta ah loogu talagalay:-

Haweenka naafada ah, dumarka laga dhintay ama lafuray, gabdhaha aan waalidkood la’noolayn, dumarka masuulka ka ah qoyska, gabdhaha da’doodu ay ka yartahay 18 jir.

 

Ugudanbayna, qaarkamid ah bulshada barakacayaasha ah oo dareenkooda kahadlay ayaa sheegay in ay aad ugu faraxsanyihiin qalabkan kaladuwan ee taakulaynta ah ee lasoogaadhsiiyay islamrkaana ay u mahadcelinayaan xafiiska arrimaha haweenka iyo hay’adaha ay bahwadaagta yihiin.