Dhismaha Guryo wadareedka Garabcase Oo Meel Fiican Maraya

Jigjiga(Cakaaranews) Talaado 14ka November 2017. Xukuumada DDSI oo dadaal oogu jirta siday bulshada iyo shaqaalaha deegaanka ooga haqabtiri lahayd dhanka guryaha ayaa waxay aasaastay wakaalada horumarinta guriyaynta ddsi oo mudadii ay shaqaynaysay wakaaludu fulisay mashaariico badan oo guryo kala duwan ah Islamarkaana dabooshay baahiyo badan oo ka jiray dhanka guryaha

Hadaba dhismaha guryo wadareedka ay wakaalada horumarinta guriyaynta DDSI kawado  garabcase oo meel fiican maraya ayaa waxaa warbaahinta deegaanka ooga waramay maareeyaha wakaalada horumarinta guriyaynta DDSI marwo Ramxa Riyaale oo sheegtay in dhismahan guryo wadareedka garabcase ay ka koobanyihiin 89 gibi oo loo dhisayo si casri ah islamarkaana ay dhismahan guryo wadareedkan oo ay shaqadiisu socoto 20 maalmood ay meel fiican marayaan kana faaiidaysanayaa in ka badan 5000 oo qof oo udhashay deegaanka, waxayna maareeyuhu intaa ku dartay in muwaadiniintan udhashay deegaanka ee ka faaiidaysanaya dhismaha mashruucan ay isugu jiraan injineero, kuuliyaal, dablayaal, meherado iyo dad kale oo badan oo ka faaiidaysta fursadaha shaqo ee mashruucan balaadhan ee dhismaha guryo wadareedka garabcase,

Maareeyaha ayaa sidoo kale xusay in dhismahan loo dhisayo si tayaysan oo casri ah islamarkaana ay wakaaladu marwalba ku dadaalayso sidii dhismaha mashruucan uu u noqon lahaa mid tayadiisu sarayso

Dhanka kale waxaa iyana dhankooda ka hadlay injineerada gacanta ku haya dhismahan oo sheegay in dhismaha guryo wadareedkan ay usocdaan sidii loogu talagalay islamarkaana loo dhisayo si tayaysan oo casri ah. Iyagoo intaa ku daray inay wakhti dhaw dhamaystiridoonaan.

Sikastaba ha ahaatee mashruucan dhismahan guryo wadareedka garabcase ayaa waxay wakaaladu uga faaiidaysay inay dhisaan mas’uuliyiintii hore ee deegaanka, ugaasyo, suldaamo iyo odayaal kale oo kamid ah adayaal dhaqameedka deegaanka, waxayna sheegeen in dhismaha guryahan ay dhisayaan uu meel fiican marayo islamarkaana ooga mahad celiyeen xukuumada fursadan balaadhan ay siiyeen odayaasha deegaanka iyo 5000 oo udhashay shacabka deegaanka.

Ugu danbayna waxaa dhankooda ka hadlay qaar kaimd ah kaa faaiidaystayaasha dhismahan guryo wadareedka garabcase oo sheegay inay aad oogu faraxsanyihiin fursada shaqo ee ay ka heleen dhismahan, waxayna intaa ku dareen inay ka faaiidaysan doonaan fursadaha shaqo eek ala duwan ee ay xukuumadu kawado guuda ahaanba deegaanka.