Munaasabada xuska 30aad ee maalinka AIDS ka Aduunka oo Kadhacday magaalada Jigjiga

Jigjiga(cakaaranews) Jumce, 1da December 2017. Munaasabad uu soo agaasimay xafiiska kahortaga iyo xakamaynta HIV–AIDS ka DDSI islamarkaana ku’aadan xuska 30aad ee maalinka AIDS ka aduunka oo sanad walba laxuso  1da bisha December ayaa si rasmi ah uga dhacday xarunta deegaanka ee magaalada jigjiga.

Munaasabadan oo halkudhag looga dhigay ‘’Si Wada Jir Ah Aan Uga Wada Hortagno Cudurka HIV AIDS’’ ayaa waxaa diirada lagu saarayay wacyigalinta iyo waliba in dhamaan dadku ay iskood ah isag baadhan cudurka si ay u ogaadaan caafimaadkooda.

Hadaba, munaasabadan ayaa waxaa warbaahinta uga waramay Gadh-wadeenka Geedi-Socodka  kahortaga iyo xakamaynta cudurka AIDS Ka mudane Nadiir Maxamed Cabdi oosheegay in maanta ay tahay maalinka AIDS ka aduunka ee 1-December islamarkaana lagu xusayo dhiig baadhis laga samaynayo goobaha ay bulshadu isugu timaado. Iyadoo dadkuna si iskood ah oo  rabitaankooda ah ay iskubaadhayaan. Wuxuuna intaa kudaray agaasinku in munaasabadan laga xusayo caalamka, dalkeena iyo waliba deegaankeena. Wuxuuna kula dardaarmay dhamaan bulshada deeganka in ay iskaabaadhaan xarumaha iyo gaabaha caafiaamdka si ay u ogaadaan caafimaadkooda.

 

Iskusoo wada duuboo, cudurkan AIDS ka ayaa ah cudur dilaa ah islamarkaana aan dawo lahayn iyadoo cudurkana ay sababaan ama uu shaqsiga ugu iman karo xaalada badan oo kaladuwan oo ay ugu horayso galmada xaaranta ah.