Kulan Ay Wada Yeesheen Golaha Sare Ee Arrimaha Islaamka DDSI iyo Hay’ada IMDA Oo kaqabsoomay MMJ

Jigjiga(cakaaranews)Sabti, 2da December 2017. Waxaa xarunta deegaanka ee mgaalada jigjiga ka qabsoomay kulan ay wada yeesheen Golaha Sare ee Arrimaha Islaamka DDSI iyo  Hay’ada Horumarinta Arrimaha Islaamka ee magaceeda loo soogaabiyo (IMDA). kulan kaasoo lagaga wada hadlayay arrimo laxidhiidha sii xoojinta xidhiidhka ka dhaxeeya Golaha arrimaha islaamka DDSI iyo hay’ada Hor- Arrimaha Islaamka. Iyadoo hay’aduna ay gudoonsiisay Golaha sare 60 mooto oo nooca looyaqaano BOXER ka .

Hadaba, kulan ayaa waxaa ugu horayn kahadlay Gudoomiyaha Golaha Sarre ee Arrimaha Islaamka DDSI mudane Sheekh Cabdiraxmaan Xasan oo sheegay in kulanakani yahay mid lagaga wada hadlayo sii xoojinta wada shaqaynta kadhaxaysa GSAI iyo hay’ada IMDA. Taasoo ay kawada shaqeeyaan arrimo badan oo ay kamid yihiin kaalmada Agoonta, caawimaada danyarta iyo waliba arrimaha caafimaadka.

Dhankakale, kulankan ayaa waxaa isna kahadlay Gudoomiyaha hay’ada horumarinta arrimaha islaamka ahna xubin gudi fulin ah oo katirsan golaha sare arrimaha islaamka heer federal mudane Shekh ismaaciil cabdala  oo sheegay in kulankani uu san ahayn markii ugu horaysay ee ay wad kulmaan hayada iyo goluhu islamarkaan ay marar badan wada kulmeen golaha iyo hayadu. Kanina uuyahay kualan lagag wada hadlayo wada shaqaynta kadhaxaysa islamarkaana lagu sii xoojinayo xidhiidhka ka dhaxeeya hay’da Hor-arrimaha islaamka iyo Golaha sare ee arrimaha islaamka DDSI.

kulanka kadib ayaa waxaa ay hayadu gudoonsiisay golaha sare ee arrimaha islaamka DDSI mootooyin tiradoodu dhantahay 60 mooto islamarkaana uu gudoomay gudoomiyaha Golaha arrimaha islaamka mudane sheikh cabdiraxmaan xasan. Wuxuuna sheegay in mootooyinkani ay waxwayn katarayaan dhanka shaqooyinka golaha islamarkaana uu aad ugu mahadcelinayo hay’ada IMDA. Wuxuuna intaas kudaray in mootooyinkan ay ugu adeegayaan bulshada  oo ay sii gaadhsiinayaan degmooyinka iyo tulooyinka ay kashaqeeyaan hay’ada horumarinta arrimaha islaamka.

Iskusoowada duuboo, kulankan ayaan ahayn markii ugu horaysay ee ay wada yeeshaan Golaha iyo Hay'adu walaw oo ay hayada horumarinta arrimaha islaamku ay ka shaqayso 9 degmo oo katirsan gobolka faafan.