Munaasabad lagu maamuusayay sanadguuradii 37aad ee Aas-aaskii xisbiga axmaarada ayaa ka qabsoomay xarunta deegaanka

Jigjiga(Cakaaranews) Axad 3da December 2017. Waxaa xarunta deegaanka ee magaalada jigjiga si heer sare looga maamuusay  sanadguuradii 37aad ee xisbiga dhaqdhaqaaqa dimuqraadiyada qoomiyada axmaarada oo la aas-aasay sanadii 1973.

Hadaba munaasabadan lagu maamuusayay sanadguurada 37aad ee xisbiga dhaqdhaqaaqa dimuqraadiyada qoomiyada axmaarada oo ay kasoo qaybgaleen mas’uuliyiinta ugu saraysa XDSHSI oo ay ugu horeeyaan gudoomiyaha XDSHSI ahna afhayeenka golaha xildhibaanada mudane Maxamedrashiid Isaaq, gudoomiye kuxigeenka XDSHSI ahna madaxwaynaha DDSI mudane Cabdi Maxamuud Cumar, golaha kabaneega deegaanka, mas’uuliyiin ka socday  xisbiga dhaqdhaqaaqa dimuqraadiyada qoomiyada axmaarada oo ay kamid ahaayeen Wasiiru dawlaha daraasaadka cilmi baadhista iyo daraasaadka siyaasadaha dawlada ee xasiiska raisal-wasaaraha JDFI ahna xubin Gole dhexe ah oo katirsan xisbiga Dh.D.Q.A./ANDM Mudane allebal Dase iyo Madaxa arrimaha siyaasada iyo xidhiidhka dibada ee deegaanka amxaarada ee Xarunta dhexe ee xisbiga Dh.D.Q.A./ANDM ee magaalada addis ababa  mudane Mandhafrew Tefwraw,  taageerayasha xisbiga ANDM, ee dagan mm jigjiga iyo ardayda waxkabarata jaamacada jigjiga.

Waxaana ugu horayn munaasabadan furitaankeedii ka hadlay afhayeenka golaha xildhibaanada ahna gudoomiyaha XDSHSI mudane Maxamedrashiid Isaaq oo ugu horayn u hambalyeeyay xisbiga dhaqdhaqaaqa dimuqraadiyada qoomiyada axmaarada isalmarkaana sheegay inuu xisbigu qayb wayn  kasoo qaatay halgankii lagu keenay horumarka dimuqraadiyadeed ee ka hirgalay guud ahaanba dalkeena itoobiya  oo ay ku naaloonayaa dhamaan qoomiyadaha dalkeena, isagoo xusay ka dhiidhitaankii  aad ka dhiidhidaan xaaldihii qalafsanaa ee uu dalkeena soomarayna waxay dhashay inaan manta ku naaloono nabadaa aad aragtaan.  waxuuna gudoomiyuhu intaa kudaray in XDSHSI yahay mid uu dareensanyahay  halganka uu xisbigu soomaray isagoo si qotodheer usoo jeediyay halgankii sooyaalkii taariikheed ee uu soomaray xisbiga axmaaradu  iyo inuu XDSHSI  garab taaganyahay xisbiga dhaqdhaqaaqa dimuqraadiyada qoomiyada axmaarada islamarkaana  sii xoojin doonaan wadashaqaynta iyo xidhiidhka ka dhaxeeya labada xisbi.

Sidoo kale waxaa munaasabadan ka hadlay gudoomiye kuxigeenka XDSHSI ahna madaxwaynaha DDSI mudane Cabdi Maxamuud Cumar oo ugu horayn u hambalyeeyay xisbiga dhaqdhaqaaqa dimuqraadiyada qoomiyada axmaarada islamarkaana sheegay inuu xisbigu kaalin wayn kulahaa halgankii khadhaadhaa  ee lagula jiray kaligii taliskii dhargiga keenayna horumarka iyo nabadgalayada ka hirgalay guud ahaanba dalka . Wuxuuna madaxwaynuhu intaa kudaray in taageerayaasha xisbiga  Dh.D.Q.A  ay kusugan yihiin dhamaan 93 degmo iyo 6da ismaamul magaalo ee uu ka koobanyahay deegaanku islamarkaana uu XDSHSI uu xidhiidh wada shaqayn ah lalahaa xisbiga aaa’’ ilaa iyo xiligii halganka islamarkaana uu siduu afhayeenku horay usheegayba sii xoojin doonaan wada shaqaynta xidhiidhka labada xisbi .

Dhankooda waxaa iyana qudbad soo jeediyay mas’uuliyiintii ka socday xisbiga Dh.D.Q.A. oo soo jeedin kadinbna kula dardaarmay inay taageerayaashu deegaanka kala shaqeeyaan horumarka xaliga ah ee uu deegaanku wado, waxayna intaa ku dareen inuu xisbiga Dh.D.Q.A ay sii xoojin doonaan wada shaqaynta xidhiidhka labada xisbi.

 

Ugudanbayna, waxaa fikirkoodii ka hadlay qaar kamid ah taageerayaasha xisbiga dhaqdhaqaaqa dimuqraadiyada qoomiyada axmaarada iyadoo halkaas lagaga jawaabay dhamaan su’aalihii ay soo dhigeen sidaasna lagusoo gabagabeeyay munaasbadii sanadguurada 37aad ee xisbiga dhaqdhaqaaqa dimuqraadiyada qoomiyada axmaarada .