MM Dhagaxbuur iyo Tartanka Kubada Cagta Oo Loo Qabtay Kooxaha Darajada 2aad ‘’0B’’

Dhagaxbuur(cakaaranews)Isniin 4ta December 2017. Tartanka kubada cagta oo ay ku loo lamayaan kooxaha darajada 2aad ee MM Dhagaxbuur islamarkaana ay si wada jir ah u soo agaasimeen Xafiiska ciyaaraha iyo dhalinyarada MM dhagaxbuur oo kaashanaya Shirkada jaadka ee samsam interprise ayaa si habsami leh uga socda garoonka kubada cagta ee Magaalada Dhagaxbuur.

Hadaba, tartankan oo ay maalgalisay samsam interprise ayaa waxaa shabakada wararka cakaaranews uga warbixiyay Madaxa Xafiiska Ciyaaraha iyo Dhalinyarada MM Dhagaxbuur mudane Cawaale Cabdi Dhicis  oo sheegay in ciyaarahan ay ku loo lamayaan kooxaha loo yaqaano ‘’0B’’ ama darajada 2aad kuwaasoo kadhisan magaalada dhagaxbuur. Wuxuuna intaa kudaray in kooxaha tartankan loo qabtay ay ahaayeen 16 kooxood kuwaasoo ay isu soo hadheen 8 kooxood 8na ay hadhay.  Masuulka oo hadlkiisa sii wata ayaa sheegay in tartankan koobka ay kataageertay shirkada samsam islamarkaana loogu talagalay in dhalinyarta lagu dhiiri galiyo.

Sidookale madax xafiiseedka ayaa tilmaamay in ciyaaruhu ay si wanaagsan u socdaan  islamarkaana ay isu soo hadheen 8da kooxood ee kala ah iftin, far & sul, Jarar, dayax, fc bahda cakaara, ilays, dheeman iyo kooxda Horyaal. Iyadoo lafilayo in 7aadka danbe loo gudbi doono wareega 4ta.

 

Ugudanabyna madax xafiiseedka ayaa aad ugu mahadceliyay shirkada samsam taasoo tartankan kagaysatay taageero maaliyadeed iyo waliba MM Dhagaxbuur oo iyana dadaal kagaysatay.Wuxuuna kula dardaarmay hay’adaha dawlada iyo kuwa aan dawliga ahynba in laga qaybqaato ciyaaraha iyo dhiiri galinta Dhalinyarada Magaalada.