MMJ Ayaa Kulan Wadatashi Ah Oo Lagusoo Dhawaynayo Dadkii Oromada Ahaa Ee Kabarakacay Magaalada Jigjiga la yeeshay Hay’daha Nabadgalyada.

Jigjiga(Cakaaranews) Isniin 4ta December 2017. Waxaa madasha shirarka ee qaryaan dhoodaan ka qabsoomay kulan wadatashi ah oo ay kasoo qaybgaleen maamulada xaafadaha mmj iyo hay’adaha amniga ee mmj islamarkaana ujeedadiisu ahayd sidii si nabadgalyo ah loogusoo dhawayn lahaa dadkii oromada ahaa ee ka barakacay magaalada jigjiga.

Hadaba kulankan wada tashiga ah ayaa waxaa ugu horyn ka hadlay maayarka magaalada jigjiga mudane Ibraahim Maxamuud Mubaarak oo sheegay inuu kulan yahay mid lagaga tashanayo looguna diyaargaroobayo sidii si nabadgalyo ah loogusoo dhawayn lahaa dadkii oromada ahaa ee ka barakacay magaalada jigjiga islamarkaana shaqsi walba lagu wareejin doono wixii hanta ahaa ee ay ka tageen taas oo ay ciidanka boolisku ilaalinayeen mudadii ay ka maqnaayeen.

Ugu danbayna waxaa dhankooda ka hadlay qaar kamid ah maamulada xaafdaha mmj iyo saraakiisha hay’adaha amniga ee mmj oo sheegay inay si nabadgalyo ah usoo dhawayn doonaan islamarkaana lagu wareejin doono guryahoodii iyo hantidii ay ku lahaayeen magaalada jigjiga.