M.M.Dhagaxbuur Iyo Tababar Loo Qabtay Macalimiinta Luuqada Afka Soomaaliga

Dhagaxbuur(cakaaranews)Talaado, 5ta December 2017. Tababar uu soo agaasimay xafiiska waxbarashada DDSI islamarkaana ujeedadiisu tahay kobcinta garaadka aqoomeed ee macaliinta luuqada afka soomaaliga, kana soo qaybgaleen qaar kamid ah macalimiinta degmooyinka hoosyimaada gobolka jarar iyo Gobolka Nogob ayaa si rasmi ah uga bilawday magaalada dhagaxbuur ee xarunta Gobolka Jarar.

Hadaba, tababarkan ayaa waxaa shabakada wararka ee cakaaranews uga warbixiyay Iskuduwaha meelaynta macaliminta ee waaxda Hor-Macalimiinta Iyo Hog-waxbarashada ee xafiiska waxbarashada DDSI ahna madaxa kooxda fulinaysa tababarkan mudane Sakariye Xasan Aadan oo sheegay in tababarkan ay fulinttisa iska kaashadeen xafiiska waxbarashada DDSI, Hay’ada USAID, hay'ada RTI iyo waliba mashruuca READ TA islamarkaana lasiinayo barayaasha luuqada afka soomaaliga ee fasalada 5aad ilaa 8aad. Kuwaasoo laga soo kala xulay dhamaan degmooyinka Gobolka Jarar, Gobolka Nogob iyo MM Dhagaxbuur. Wuxuuna xusay in tababarkani uu soconayo mudo 10 cisho ah. Iyadoo casharada lasiinayo barayaasha ay kuqotomaan luuqada Afka-soomaaliga akhriska iyo qoraalkeedaba iyo waliba nidaamka ama shuruucda baris barasho ee looga baahan yahay macalinka luuqada Afka-Hooyo.

Sidookale, Muxumed Maxamed oo kamid ah macalimiinta casharka bixinaysa oo isnakahadlay ayaa sheegay in tababarka iyo cashar bixinta ay sifiican u wadaan islamarkaana ay nidaamka cashar bixintu isugu jirto mid theory ah iyo practical labadaba,. Wuxuuna tilmaamay inay jiraan laylisyo kooxo-kooxo iyo shaqsi-shaqsi la isugu dirayo kadibna lasoo jeedinayo.

Dhanka kale, barayaashii kasooqaybgalay tababarkan oo dareenkooda kahadlay ayaa sheegay in ay aad ugu faraxsan yihiin tababarkan kusaabsan luuqada afkasoomaaliga ee uu xafiiska waxabarashada DDSI u qabtay. Waxayna xuseen in sifiican casharadu ugu socdaan islamarkaana ay sifiican uga qaybqaadanayaan casharka.

 

Iskusoowada duuboo, tababarkan ayaa waxaa laga filayaa kadib markuu dhamaado in uu waxwayn kataro dhanka nidaamka baris barasho ee udhaxeeya macaliinta luuqada afka soomaaliaga iyo ardayda fasalada 5aad 6aad 7aad iyo 8aad islamarkaana uu kor uqadayo.