Tababar Kusaabsanaa Barnaamijka Darajosiinta Dugsiyada Deegaanka Oo Lasoo Gabagabeeyay.

Jigjiga(Cakaaranews) Talaado 5ta December 2017. Tababar loo qabtay maamulayaasha, kormeerayaasha, khabiirada xafiiska waxbarashada mmj iyo qaarkamid ah khabiirada xafiiska waxbarashada DDSI islamarkaana ujeedadiisu ahayd  sidii dhamaan dugsiyada kuyaala deegaanka looga hirgalinlahaa barnaamijka darajosiinta dugsiyada  ayaa lagusoo gabagabeeyay hoolka shirarka ee xafiiska waxbarashada DDSI.

Hadaba xidhitaankii tababarkan ayaa waxaa ka hadlay wasiir kuxigeenka Xafiiska waxbarashada DDSI mudane Maxamuud Axmednuur (Heeryo) oo sheegay in tababarkan mudada idiin socday uu ahaa mid la idinku barayay hirgalinta barnaamijka darajosiinta dugsiyada deegaanka islamarkaana looga gol leeyahay in dhamaan dugsiyada deegaanka la gaadhsiiyo heerka qaangaadhka oo ah darajada 3aad iyo 4aad si kor loogu qaado tayada waxbarashada ee deegaanka. Wuxuuna wasiir kuxigeenku intaa kudaray in sida aad ka fahanteen mudada uu tababarkan socday u hirgalisaan barnaamijkan darajosiinta dugsiyada deegaanka.

Dhankiisa waxaa isana ka hadlay agaasinka Dabagalka (Inspection) ee Xafiiska waxbarashada  mudane Muxiyadiin Sheekh Cabdiraxmaan oo kula dardaarmay tababar qaatayaashan inay uhirgaliyaan barnaamijka darajosiinta dugiyada sidii loo baray mudadii uu tababarku socday. Wuxuuna agaasinku intaa ku daray in jiraan kooxo loo dirayo gobolada Faafan, dollo, Siti iyo qoraxey islamarkaana soo samaynaya barnaamijka darajosiinta dugsiyada iyo dabagalka waxbarashada guud, dugsiyadaas oo kakooban 785 dugsiyada sare iyo kuwa hoose dhexeba taasoo  uqorshaysnaa xafiiska inuu fuliyo wajiga 1aad ee sanadkan.

Ugu danbayna waxaa dhankooda ka hadlay qaarkamid ah tababar qaatayaasha oo sheegay inay mudadii uu tababarku socday waxbadan ka faaiideen islamarkaana fahmeen sida ay u hirgaliyo barnaamijka darajosiinta dugsiyada deegaanka islamarkaana sidii loogu talagalay ugu shaqayndoonaan.