Tababar Kor Loogu Qaadayo Garaadka Aqooneed Ee Barayaasha Luuqada Afka Soomaaliga Ayaa Ka Furmay Magaalada Jigjiga

Jigjiga(Cakaaranews) Arbaco 6da December 2017. Tababar uu soo diyaaryay xafiiska waxbarashada DDSI oo loo qabtay macalimiinta luuqada afka soomaaliga ee degmooyinka gobolka Faafan ujeedadiisuna ahaa sidii kor loogu qaadi lahaa garaadka aqooneed ee barayaasha afka soomaaliga degmooyinka gobolka Faafan ayaa ka qabsoomay xarunta deegaanka ee magaalada jigjiga.

Hadaba tababarkan oo uu furintaankiisii ka hadlay wasiir kuxigeenka xafiiska waxbarashada DDSI mudane Maxamuud Axmednuur ayaa  sheegay in tababarkan ay fulintiisa iska kaashadeen xafiiska waxbarashada DDSI, Hay’ada USAID, hay'ada RTI iyo waliba mashruuca READ TA islamarkaana lasiinayo barayaasha luuqada afka soomaaliga ee fasalada 5aad ilaa 8aad. Kuwaasoo laga soo kala xulay dhamaan degmooyinka Gobolka faafan. Wuxuuna Wasiir kuxigeenku a intaa kudaray in  tababarkani uu soconayo mudo 10 cisho ah. Iyadoo casharada lasiinayo barayaasha ay kuqotomaan luuqada Afka-soomaaliga akhriska iyo qoraalkeedaba iyo waliba nidaamka ama shuruucda baris barasho ee looga baahan yahay macalinka luuqada Afka-Hooyo .

Sidoo kale wasiir kuxigeenka ayaa barayaasha tababarka qaadanayay kula dardaarmay inay mudada uu cashirku socdo ay si fiican ooga faaidaystaan wakhtigana ilaaliyaan si fahan buuxa looga siiyo casharadan kor loogu qaadayo luuqada afka hooyo ee soomaaliga.

Ugu danbayna waxaa dhankooda ka hadlay qaarkamid ah barayaashii qaadanayay tababarka oo sheegay inay si fiican qaadan  doonaan mudada uu cashirku socdo islamarkaana uga faaiidayn doonaan ardayda wax kabarata  dugsiyadii ay ka kala yimaadeen .