Kulan Wacyigalin Ah Oo Ku’aadan Dadka Baahida Gaarka Ah Qaba Oo Ka Qabsoomay Magalada Jigjiga

Jigjiga (cakaaranews)Arbaco, 6da December 2017. Waxaa xarunta deegaanka ee magaalada jigjiga kaqabsoomay kulan Wacyigalin ah oo kuwajahan dadka baahida gaarka ah qaba islamarkaana ay kasoo qaybgaleen macalimiinta dugsiyada ay waxkabartaan caruurta naafada ah, maamulayaasha dugsiyada iyo waliba xubno kale. iyadoo kulankana ujeedadiisu ahayd sidii dadka naafada ahi unoqon lahaayeen dad hal abuur leh oo soosaara arday naafo ah oo kadhisan dhanka aqoonta, si caruurta naafada ahi ugu dhiiradaan oo ay wax u bartaan.

Hadaba, kulankan oo uu soo agaasimay Geedisocodka Waxbarashada Isku Dhafka Ah Iyo Taageerada Gaarka ah (Special NeedEE Xafiska waxbarashada DDSI ayaa waxaa ugu horayn kahadlay Wasiir-kuxigeenka Xafiiska Waxbarashada DDSI mudane Maxamuud Axmed Nuur (Heeryo) oo sheegay in kulankani yahay mid wacyigaln ah oo ku aadan sidii kor loogu qaaadi lahaa dhanka tayada waxbarashada ee caruurta naafada ah ee dhigata dugsiyada iyo in lafuliyo baahidooda gaarka ah ee ay qabaan. Si caruurta naafad ahi u noqdaan caruur tayo leh oo waxbaratay islamarkaana kadhsian dhanwalba. Wuxuuna tilmaamay oo uu macalimiinta ugu baaqay in sifiican ufiliyaan ilaalinta xaquuqda caruurta baahida gaarka ah qabta iyadoo oo ugu baaqay waalidkasta oo ilmo naafo ah dhalay in uu geeyo dugsiyada waxbarashada ee leh baahiyaha gaarka ah ee kuyaala magaalada jgjiga.

Dhanka kale, Gadh-Wadeenka G/S Waxbarashada Isku Dhafka Ah Iyo Taageerada Gaarka ah (Special Need) mudane Faysal Cabdi Nuur oo isna dhankiisa kahadlay kulankan ayaa sheegay in geedisocodkani uu yahay mid u taagan taakulaynta dhanka waxbarashada ee ay u baahanyihiin dhamaan dadka naafada ah haday caruur tahay iyo haday dadwaawayn yihiinba. Wuxuuna intaa kudaray in kulankani uu yahay wacyigalin islamarkaana lagu kala qaadanayo xogaha ku’aadan dadka naafada ah iyo sidii loogu wacyigalin lahaa in ay waxbartaan islamarkaana loo sugi lahaa xaquuqahooda ku aadan dhanka waxbarashada. Wuxuuna si gaar ah ula dardaarmay in macalimiinta waxbarta caruurta naafada ah ay baahidooda gaarka ah siiya

 

Ugudanbayna, Dhankooda kaqaybgalayaashi kasooqaybgashay kulankan wacyigalinta ah oo u badnaa dad naafo ah oo isugu jira macalimiin iyo xubno kale oo kaladuwan ayaa sheegay in aad ugu faraxsan yihiin kulankan loo qabtay islamarkaana ay sii gaadhsiinayaan dadka kale. iyaguna ay sifiican  u fulinayaan ilaalinta xaquuqda dadka naafada ah.