Xafiiska Waxbarashada DDSI Oo Tababar U Qabtay Barayaasha Ku Jira Kuliyada Macalimiinta Dr cabdimajiid.

Jigjiga,(cakaaranews), khamiis, 7da December, 2017. Xafiiska waxbarashada DDSI.  oo ka duulaya taaba galinta tayaynta waxbarashada deegaanka ayaa dadaal xoogan ugu jira sidii looga midho dhalinlahaa guud ahaanba qorshayaasha lagu tayaynayo waxbarashada deegaanka iyo  dalk.

haddaba, xafiiska waxbarashada DDSI  ayaa maanta tababar u furay  barayaasha  waxka barta kuliyada  macalimiinta Dr cabdijamiid xuseen ee DDSI tababarkaasi oo ay ujeedadiisu tahay sidii kor loogu qaadilahaa tayada aqooneed macalimiinta  islamarkaana fahan buuxa laga siin lahaa  hanaanka geedi socodka lagaga midho dhalin karo tayada aqoonta macalimiinta 

Waxaana furitaankii tababarkan ka hadlay wasiir ku xigeenka waxbarashada DDSI mudane Maxamuud Axmed Nuur (Heeryo) oo sheegay in ujeedada tababarkani tahay sidii macalimiinta wax ka barta  kuliyada macalimiinta dr cabdimajiid xuseen fahan buuxa looga siinllahaa kaalinta ay ku leeyihiin hirgalinta dadaalka loogu jiro tayaynta waxbarashada deegaanka iyo la jaan-qaadka nidaamka barisbarasho ee lagaga midho dhalinayo qorshayaasha u dajisan sectorka waxbarashad wasiir ku xigeenka ayaa ku booriyay  barayaashan tababarka loo furay in ay fahan buuxa ka qaataan cashirada lagu bixinayo tababarkan si looga midho dhaliyo ujeedooyinka laga leeyahay.

Dhankiisa gadhwadeenka geedi socodka  shatibixinta cusboonaysiinta xirfada barayaasha iyo hogaaminta waxbarashada xafiiska waxbarashada DDSI mudane mukhtaar ibraahin  muxumed  ayaa ka warbixiyay ahmiyada iyo ujeedooyinka tababarkan isaga oo sheegay in muhiimada tababarkani tahay sidii ay macalimiintu  waxka barta kuliyada macalimiintu ugu guulo gaadhilahaayeen aqoonta ay ka bartaan kuliyada islamarkaana natiijo mug leh uga keenikaraan imtixaanka xaqiijinta tayada waxbarashada ee loo yaqaano COC  taasi oo marka ay qalinjabiyaan ka dib laga qaado ardayda kuliyadaha deegaanka ka soo qalinjabisa wuxuuna ku booriyay in ay ka midho dhaliyaan tababarkan loo qabtay macalimiinta.