M.M Qabridahar Iyo Tababar Kusaabsan Nidaamka Beerashada Casriga Ah Oo Loo Qabtay Khabiirada Fidinta Beeraha Ee Gobolada Qoraxey, Shabeele, Doolo Iyo Jarar

Qabridahar(cakaranews)Sabti, 6da January 2017.Waxaa Magaalada qabaridahar ee xarunta gobolka qoraxey lagu soo gabagabaeeyay Tababar uu soo agaasimay xafiiska beeraha iyo horumarinta khayraadka dabiiciga ah DDSI islamarkaana loo hayay khabiirada fidinta beeraha ee dhamaan degmooyinka Gobolada Qoraxey, Shabeele, Doolo Afdheer Iyo Jarar. Tababarkaasoo kusaabsanaa nidaamka beerashada casriga ah.

Tababarkan ayaa waxaa casharada bixinayay khabiiro sare oo kasocday xafiiska beeraha iyo horumarinta khayraadka dabiiciga ah DDSI islamarkaana aqoon durugsan uleh casharada ay bixinayaan. Iyadoo intii uu socday tababarkanina kaqaybgalayaasha si practical ah loo geeyay beeraha waawayn ee sida casriga ah looga beeray mashruuca waraabka ee maraacato kaasoo si ficil loohu tusay beeraha sida casriga ah loo beeray.

Hadaba, tababarkan ayaa warbaahinta deegaanka uga waramay Gudoomiyaha Degmada Qabridahar Mudane Cabdulaahi Shekh Axmed Iyo Waliba  Agaasinka Waaxda Fidinta Beeraha Ee Xafiiska Beeraha Iyo Horumarinta Khayraadka Dabiiciga Ah Mudane Axmednuur oo sheegay in tababarkani kusaabsanaa nidaamka beerista casriga ah iyo waliba waxsoosaarka tayada leh. Wuxayna tilmaameen in khabiiradan lakeenay beeraha sida casriga ah loo beeray si ay ficil ahaan ugu arkaan oo ay ugu daydaan. Waxayna xuseen in tababarkan ay kafilayan in horumar badani kayimaado kadib markii khabiiradani ay ku laabtaan goobohoodii iyo degmooyinkii ay ka kala yimaadeen.

Ugudanbayna, dhankooda khabiiradii tababarka qaatay oo dareenkooda kahadlay ayaa sheegay in tababarkan ay kafaa’iideen cilmi badan oo kuwajahan xirfadooda. Waxayna xuseen in ay uga sii faaiidaynayaan bulshadii iyo degmooyinkii ay ka kala yimaadeen.