Komoshineerka Komishinka Baadhista Iyo Xalinta Cabashooyinka DDSI Oo ka Warbixiyay Hanaanka Badhista cabashooyinka

Jigjiga,(cakaaranews), Jumce, 12ka January, 2018. Komoshineerka komishinka qaabilaada, baadhista iyo xalinta cabashooyinka DDSI mudane Shaafi Cashir Cabdi oo xafiiskiisa ugu waramayay warbaahinta deegaanka ayaa ka warbixiyay waxqabadkii komishinka qaabilaada, baadhista iyo cabashooyinka deegaanka ee lixdii bilood ee ugu dameeyay.

Komoshineerka ayaa sharax dheerka bixiyay  ujeedooyinka iyo ahmiyada loo aas aasay ee loo hirgaliyay  komishinka qaabilaada, baadista  iyo  xalinta cabashooyinka DDSI iyo waxqabadkii tan iyo intii la aas aasay komishinka gaar ahaan lixdii bilood ee ugu dambaysay wuxuuna sheegay komoshineerku in si loo turxaan tiro loona xaliyo cabashooyinka ka jira ha’yadaha dawlada loo aas aasay komishinka islamarkaana waxbadan ka qabtay dhinaca qaabilaada xalinta cabashooyinka ka jiray hay’adaha dawlada komoshineerka ayaa sheegay in komishinka qaabilaada, baadhida cabashooyinku uu fuliyay tababaro badan oo kor loogu qaadayo fahanka bulshada ka haysato hanaanka loo gudbiyo cabashooyinka iyo heerarka kala duwan ee cabashooyinka  komishineerka ayaa  tilmaamay in lixdii bilood ee ugu dambeeyay uu komishinka qaabilay oo uu baadhay islamarkaana xaliyay kiisas badan  badan oo soo gaadhay.

Ugu dambayntii waxa uu komoshineerku sheegay in komishinka qaabilaada, baadhida iyo xalinta cabashooyinka DDSI isaga oo ka duulaya ka midho dhalinta istaraatajiyadaha  jihooyinka loo aas aasay uu sii dar-dargalinayo taaba galinta iyo meel marinta hanaanka qaabilaada, baadhista iyo xalinta cabashooyinka deegaanka isaga oo ku booriyay qaybaha kala duwan ee bulshada deegaanka dalka iyo dibadaba meelkasta oo ay joogaan in komishinka qaabilaada, baadhista iyo xalinta cabashooyinku u aas aasan yahay bulshada deegaanka cidkasta oo cabasho ka qabta ha’yadaha dawladana uu ku xalindoona hanaanka qaabilaada, baadhida iyo xalinta cabashooyinka.