QIIMAYNTII WARBIXINTA WAXQABADKA RUBACA 2AAD EE DEGMOOYINKA GOBOLKA QORAXEY OO KA FURMAY QABRIDAHAR

Qabridahar(Cakaaranews) Jumce 12ka January 2018. Shir lagu qiimaynayay waxqabadka rubuca 2,aad ee sanadan 2010TI ee dhamaan degmooyinka   gobolka qoraxey   ayaa ka furmay  xarunta gobolka qoraxey ee magaalada qabridahar.

shirkan qiimayta waxqabadaka rubaca 2aad oo  diirada lagu saarayo hirgalinta qorshayaasha  horumarka, maamulka suuban ee u dajisnaa dhamaanba degmooyinka gobolka qoraxey  gaar ahaan hirgalinta qorshaha ah isku filnaanshaheena waan soo ceshan karnaa ee baabaca( BBC) biyo, baad, calaf. ama beer, biyo, cilmi, caafimaad,  ayaa waxaa ka soo qaybgalay masuuliyiinta gobolka qoraxey oo uu ugu horeeyo kusimaha gudoomiyaha gobolka qoraxey ahna hogaanka nabadgalyada gobolka qoraxey mudane Maxamed Axmednuur oo uu ku wahelinayo madaxa arrimaha siyaasada ee gobolka qoraxey mudane Axmed Yaasiin iyo maamulada degmooyinka gobolka qoraxey.

Hadaba kusimaha gudoomiyaha gobolka qoraxey ahna hogaanka nabadgalyada gobolka qoraxey mudane Maxamed Axmednuur oo ugu furay shirkan ayaa sheegay inuu shirkan yahay mid lagu qiimaynayo waxqabadkii rubaca 2aad ee u dajisanaa degmo walba gaar ahaan qorshihii baabaca (BBC) ee ay xukuudu usoo dhaadhicisay inay fuliyaan degmooyinka islamarkaana xooga lagu saarayay wax soo saarka beeraha iyo dhaqashada xoolaha oo ah nidaam casriya oo lagu hirgalinayo  qorshaha isku filnaanshaheena waan soo ceshan karnaa  ah oo ka mid ah qorshayaasha ugu muhiimsan ee sanadkan ee ka deegaan ahaan xooga la saarayo  iyo wacyigalinta bulshada, dakhliga, nidaamka cad-cadaanta iyo islaxisaabtanka miisaaniyada, nidaamka gudi kushaqaynta isagoo gudoomiyuhu tilmaamay inay degmooyinku ku saleeyaan warbixintooda qodobada  sare kucad si ay wakhtiga uga faaiidaystaan.

Ugu danbayna  Waxaa la guda galay dhagaysiga warbixinada waxqabadka rubuca 2aad ee degmooyinka gobolka qoraxey oo degmo waliba soo jeedinayso warbixinta waxqabadkii rubaca 2aad ee sanadan 2010TI