Odayaal Dhaqameedka Deegaanka Oo Go’aamiyay In La Isu Dhiso 100 Gabdhood Oo Beesha Gabooye Ah Iyo 100 Wiil Oo Qabaa’iilada Kale Ee Soomaalida Ah .

Jigjiga(Cakaaranews) Isniin 15ka January 2018. Kadib dood cilmiyeedyo badan iyo daraasaadyo badan oo ay sameeyeen odayaasha deegaanka ayaa Kulan ay maanta yeesheen odayaal dhaqameedka deegaanka ayaa waxay ku go’aamiyeen in la isu arooso 100 gabdhood oo kasoo jeeda beesha gabooye iyo 100 wiil oo kasoo jeeda beelaha kale ee soomaalida ah ee dega deegaanka soomaalida itoobiya Shuruuda kali ah ee looga baahanyahayna ay tahay inay is jecelyihiin. Waxayna odayaashu sheegeen in laga caawin doono dhamaan kharashyada ku baxaya guurkooda. Iyadoo loo samayn doono Find Riasing taas oo ay xukuumada deegaankuna ay la qaadatay. Iyadoo loo dhisi doono guryo fiilo ah oo heer sare ah oo ka kooban 3 qol iyo suuligii lamaane walba islamarkaana loo samayndoono shaqo abuur lanasiin doono qoyskiiba 50 neef oo geel ah iyo 50 neef oo adhi ah.