Barnaamijkii Darajosiinta Dugsiyada Deegaanka Ee Gobolada Faafan, Sitti, Qoraxey iyo Doollo Oo Si Fiican Loosoo Gabagabeeyay

Jigjiga(Cakaaranews) Talaado 16ka January 2018. Xafiiska waxbarashada DDSI uu koox darajo siinta dugsiyada deegaanka ee dabagalka waxbarashada guud ah udiray gobolada Faafan, Sitti, Qoraxey iyo Doollo ayaa soo gaba-gabeeyay shaqooyinkii Darajosiinta dugsiyada goboladaas kor ku xusan.

Hadaba Agaasinka Dabagalka waxabarashada guud ee xafiiska waxbarashada DDSI mudane Muxiyodiin  sheikh Cabdiraxmaan Xasan oo kawarbixiyay kooxdan soo gaba-gabeeyay darajosiinta dugsiyada deegaanka ayaa sheegay in kooxdu shaqadoodii si fiican ugusoo dhamaatay islamarkaana ay boqolkiiba boqol kasoo hirgaliyeen gobolada Faafan, Sitti, Qoraxey iyo Doollo . Wuxuuna agaasinku intaa ku daray in ujeedada uu barnaamijkani yahay sidii kor loogu qaadi lahaa darajosiinta dugsiyada oo looga gol-leeyahay in dhamaan dugsiyada deegaanka oo ay ugu horeeyaan 4tan gobol ee ay kooxdu hada shaqadooda soo gabagabeeyeen islamarkaana shaqadani tahay sidii dugsiyada deegaanka loo gaadhsiin laahaa  darajada qaan gaadhka oo ah darajada 3aad iyo darajada 4aad.

Ugu danbayna agaasinka ayaa xusay in barnaamijka darajosiinta dugsiyada oo looga goleeyahay in dhamaan dusiyada la gaadhsiiyo heerka qaangaadhka ee darajada 3aad iyo darajada 4aad oo ku qotoma qiimaynta gashiyada waxbarashada ee geedisocodka baris-barasho iyo natiijda ardayada ee 4tan gobol ee ay kooxdu shaqadoodu soo gabagabeeyeen ayaa waxuu agaasinku sheegay in  degmo walba laga dhisay gudiga qiimaynta barnaamijka darajosiinta dugsiyada . iyadoo kuwa kalana loo bixidoona maalmahan fooda inagusoo haya.