MW CMC Iyo Waftigii Balaadhnaa Ee Uu Hogaaminayay Ayaa Soo Booqday Beeraha BBC Ee Mashruuca Waraabka Maraacato.

Qabridahar(Cakaaranews) Arbaco 17ka January 2018. Madaxwaynaha DDSI mudane Cabdi Maxamuud Cumar oo ay waheliyaan mas’uuliyiin isugujirta heer deegaan heer gobol iyo heer degmo ayaa soo kormeeray mashruuca waraabka ee maraacato kaasoo wakhti xaadirkan ay bulshadu si habsami leh uga faa’iidaysanayso islamarkaana uu waxsoosaar kaladuwani ka soogo’ay.

Hadaba, Madaxwaynaha iyo mas’uuliyiintii kale ee wahelinaysay  ayaa tijaabiyay waxsoosaarka kala duwan ee ka soogo’ay beeraha mashruuca waraabka maraacato sida dalagyada Galayda iyo Hadhuudh yaryaraha. Iyadoo madaxwaynaha iyo dhamaan waftiguba u riyaaqeen waxsoosaarkan balaadhan iyo waliba sida ay bulshadu uga faaiidaysanayso mashruucan maraacato.

Dhankakale, bulshada kafaa’iidaysanaysa mashruucan oo ka warbixiyay noocyada waxsosaarkooda ayaa sheegay in waxsoosaarka beerahoodu ay  isugujiraan Hadhuudh yaryaraha,  Galayda, calafka xoolaha oo ah noocyo kalduwan, basasha iyo waliba noocyo kale oo kamid ah khudaarta.

Sidookale, madaxwaynaha iyo mas'uuliyiintii kale ee la socotay ayaa booqashada beeraha kadib kulan xog waraysi ah laqaatay bulshada kudhaqan maraacato islamarkaasna si wada jir ah isugu xogwaraystay.

Iskusoowada duuboo, MW CMC iyo waftigan balaadhan ee uu hogaaminayo ayaa caawa ku dheelmaday xarunta gobolka shabeele ee magaalada goday islamarkaana uga sii anba bixi doona degmada Raaso ee katirsan Gobolka Afdheer.