Shaqaalaha Xafiiska Beeraha Iyo Horumarinta Khayraadka Dabiiciga Ah Oo Loo Furay Tababar.

Jigjiga, (cakaaranews), khamiis, 18ka January, 2018. Xafiiska horumarinta beeraha iyo khayraadka dabiiciga ah ee  DDSI ayaa tababar ku saabsan taaba galinta iyo hirgalinta barnaamijka  halbeega waxqabadka isku dheeli tiran ee loo yaqaano Balanced Score Card (BSC) u  furay shaqaalaha iyo hawl wadeenada xafiiska horumarinta beeraha iyo khayraadka dabiiciga ah.

Tababarkan oo ay furitaankisii ka soo qaybgaleen dhamaan shaqaalaha xafiiska iyo agaasinada waaxaha kala duwan ee xafiiska ayaa waxaa kala soo qaybgalay wasiir ku xigeenka xafiiska adeega shacabka iyo cududa shaqaalaha DDSI mudane Xasan Adan Xasan oo sharax dheerka bixiyay ahmiyada iyo ujeedooyinka Laga leeyahay   tababarkan kaasi oo ah buu yidhi sidii  shaqaalaha fahan buuxa uga yeelan lahaayeen hirgalinta barnaamijka halbeega waxqabadka isku dheeli tiran, xoojinta maamulka suuban, axdiga muwaadiniinta iyo ciidanka horumarka wasiir ku xigeenka  oo sii wada hadalkiia ayaa ka warbixiyay jihooyinka uu xooga saaraya barnaamijkan waxqabadka isku dheeli tiran oo ah qancinta macaamiisha, adeegsiga miisaaniyada iyo hantida, geedi socodka shaqada xafiiska iyo kobcinta awooda shaqaalaha xafiiska.

 

Dhankiisa ku simaha wasiirka xafiiska horumarinta beeraha iyo khayraadka dabiiciga ah ee DDSI ahna gadhwadeenka geedi socodka khayraadka dabiiciga ah ee xafiiska horumarinta beeraha iyo khayraadka Dabiiciga ah ee DDSI mudane Bedal Kanadiid oo ka hadlay furitaankii tababarkan ayaa sheegay in hirgalinta iyo fulinta barnaamijkan halbeega waxqabadka isku dheelitiran tahay mid lagaga  midho dhalinayo geedi socodka  shaqooyinka lagu gaadhayo horumar waaro oo joogtaysan   si gaar ahna u tilmaamayo  tabaha iyo xeeladaha lagu fulinayo  qorshaha GTP2ga ku simaha wasiirka  ayaa shaqaalaha kula dar-daarmay in ay sidii loogu talagalay uga midho dhaliyaan cashiradii ay ku qaadanayaa mudada uu  tababarkan socdo  si loo gaadho natiijada ujeedada tababarka.