Gobolka Doolo Iyo Qiimayntii Waxqabadka Rubuca 2aad Ee SM 2010 T.I

Wardheer(cakaaranews)Sabti, 20ka January 2018 T.I. Waxaa si habsamileh xarunta gobolka doolo ee magaalada wardheer ka bilawday Shirkii Qiimaynta waxqabadka rubuca 2ad ee sanad miisaaniyadeedkan 2010 T.I. Kaasoo ay kasooqaybgaleen dhamaan maamulada degmooyinka hoosyimaada gobolkaasi.

Hadaba, shirkan qiimaynta ah ayaa waxaa ugu horayn furitaankiisii kahadlay Kusimaha Gudoomiyaha Gobolka Doolo Mudane Axmednuur Siyaad Cabdi oo sheegay in shirkani uu yahay shirkii caadiga ahaa ee qiimaynta waxqabadka rubuca 2aad ee sanad miisaaniyadeedka 2010 T.I. wuxuuna intaa kudaray masuulku in shirkan si qoto dheer loogu eegayo waxqabadka ama fulinta qorshayaashii u yiilay xafiisyada horumarka ee kala ah  Beeraha, Biyaha, Caafimaadka iyo waxbarashada iyo waliba wakaalada dakhliga ee dhamaan dagmooyinka gobolka doolo. Iyadoo sidookalana degmo kasta ay soo jeedinayso warbixinteeda ku aadan dhanka fulinta qorshaha BBC ee xukuumadu dajisay.

 

Iskusoowada duuboo, qiimaynta iyo islaxisaabtanka ayaa kamid ah nidaamyada maamulka suuban ee lagu xoojiyo qanaca bulshada islamrkaana lagu ogaado kamidho dhalinta qorshayaasha rubuclaha ah iyo waliba sixida caqabadihii horistaagay fulinta qorshayaashaasi.