MW CMC OO RAASHIN IYO AGABYO KALADUWAN GAADHSIIYAY DADKII SOOMAALIDA AHAA EE OROMADA KASOO BARAKACAY

Raaso(Cakaaranews) Axad 21ka January 2018. Madaxwaynaha DDSI mudane Cabdi Maxamuud Cumar iyo waftigiisii ayaa markii ay gaadheen magaalada raaso  waxay raashinka noocyadiisa kaladuwan oo ka kooban Bariis, Sonkor, Caano, Buskut  iyo waliba agabyo bustayaal ah gaadhsiiyeen Dadkii soomaalida ahaa ee kasoo barakacay deegaanka oromada ee ku sugnaa magaalada raaso oo ka kooban kumanaan qoys . Waxaana deeqdan ka kooban raashinka noocyadiisa kaladuwan iyo agabka gacantiisa ugu qaybinayay madaxwaynaha DDSI mudane Cabdi Maxamuud Cumar Iyo Waftigiisa

Hadaba dadkan soomaalida ah ee kasoo barakacay deegaanka oromada ayaa bogaadiyay una mahad celiyay xukuumada deeqdan ka kooban raashinka noocyadiisa kaladuwan iyo agabkan ay xukuumad soo gaadhsiisay.

Ugu danbayna deeqdan ayaan ahayn markii  koobaad ay xukuumadu soo gaadhsiiso  dadkan barakacayaasha ah ee raaso  balse waa mid joogta ahayd oo  ay xukuumadu soo  gaadhsiin jirtay goob walba oo ay barakacayaasha soomaalidu ahi ku suganyhiin.