Degmada Sheygoosh Iyo Adeegii Qaliinka Iyo Daawaynta Indhaha Ee Bilaashka Ahaa Oo Lasoo Gabagabeeyay

Sheygoosh(Cakaaranews) Axad, 21ka January, 2018. Waxaa degmada Sheygoosh  ee gobolka qoraxey  lagusoo gabagabeeyay adeegii qaliinka iyo daawaynta indhaha bilaashka ahaa oo maalmihii udanbeeyayba looga faaiidaynayay boqolaal bulshada ku dhaqan degmada sheygoosh iyo nawaaxigeeda.

Hadaba adeegan qaliinka iyo daawaynta indhaha bilaashka ah oo looga faaiidaynayo shacabka deegaanka ee wax ka qaba dhanka araga gaar ahaan shacabka ku dhaqan degmada sheygoosh iyo nawaaxigeeda ayaa waxaa kawarbixiyay qaar kamid ah mas’uuliyiinta degmada sheygoosh oo sheegay in adeegii qaliinka iyo daawaynta indhaha ee bilaashka ahaa lasoo gabagabeeyay islamarkaana ay ka faaiidaysteen boqolaal shacabka ku dhaqan degmada  sheygoosh iyo nawaaxigeeda ee wax ka qabay dhanka araga. Wuxuuna mas’uulku intaa ku daray inuu adeegani yahay mid muhiim ah islamarkaana ay bulshadu si dareen leh ubogaadiyeen iyagoo u mahad celinaya xukuumada iyo cid walba oo soo diyaariyay adeegan.

Ugu danbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada sheygoosh  iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin  adeegan qalitaanka iyo daawaynta indhaha loo sameeyay ee bilaashka ah islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanka ee wax ka qaba dhanka araga  uheli lahaayeen aragooda indhaha. Sikastaba ha ahaatee adeegan qaliinka iyo daawaynta indhaha bilaashka ah ayaa ah mid xukuumada deegaanka gaar u ah islamarkaana la rabo in dhamaan laga hirgaliyo degmooyinka deegaanka iyadoo inta badan laga fuliyay deegaanka inta dhiman laga fulin doono.

Sikastaba ha ahaatee kooxdan wareegta ee adeega qaliinka iyo daawaynta indhaha ee bilaashka ah ayaa degmada sheygoosh ugasii gudbi doona dhanka magaalada godey ee xarunta gobolka shabeele. Iyagoo maalmahan fooda inagusoo haya halkaas ka bilaabi doona adeegan.