Tartan Aqoomeed Loo Qabtay Ardayda Dugsiga Sare Ee MM Qabridahar

Qabridahar(cakaaranews)Axad, 21ka January 2018. Tartan aqoomeed si heer sare ah loo soo agaasimay islamarkaana ay kasooqaybgaleen masuuliyiinta maamulka magaalada qabridahar,  ardayda fasalada 9aad iyo 12aad, gudigii soo diyaariyay iyo waliba marti sharf kale ayaa si habsami leh uga qabsoomay magaalada qabridahar.

Hadaba, taratankan ayaa waxaa ugu horayn kahadlay Kusimaha Maayorka Ahna Maareeyaha Wakaalada Biyaha MMQ Mudane Maxamed Isaaq oo sheegay in tartankan ujeedadiisu tahay kor uqadista aqoonta ardayda dugsiga sarre ee MM Qabridahar. Wuxuuna intaas kudaray masuulku in tartankani yahay mid lagu dhiirigalinayo ardayda si ay udardargaliyaan aqoontooda ku aadan casharada ay bartaan.

Sidookale, waxaa isna kahadlay Kusimaha Madaxa Xafiiska Waxbarashada MMQ Mudane Ibraahim Cabdi Maxamed oo sheegay in tartankani uu yahay mid uu soo diyaariyay xafiiska waxbarashada MM qabridahar islamarkaana larabo in lagu xoojiyo geedi soocdka waxbarashada ee ardayda dugsiga sare gaar ahaan  fasalada 9aad iyo 12aad. Kuwaasoo ku tartamayay culuumta Nutural Science. Wuxuuna xusay in tartankani ahaa mid sifiican ardaydu ay ubilaabeen akhris badan oo kuaadan casharadooda islamarkaana waxwayn kataray dhanka fahanka iyo aqoontooda.

 

Iskusoowada duuboo, tartankan ayaa waxaa gabagabadiisii ku guulaystay ardayada fasalka 9aad ee maamulka magaalada qabridahar islamarkaana abaal marin lagu gudoonsiiyay.