MM Dhagaxbuur Iyo Shir Wacyigalin Ah Oo Loo Qabtay Dhalinyarada

Dhagaxbuur(cakaaranews)Talaado, 27ka February 2018. Waxaa hoolka shirarka ee magaalada dhagaxbuur kaqabsoomay kulan balaadhan oo uu soo agaasimay xafiiska dhalinyarada iyo ciyaaraha MM Dhagaxbuur kaas oo loo qabtay dhalinyarada kudhaqan magaalada dhagaxbuur islamarkaana kusaabsan wacyigalinta dhalinyarada, kashaqaynta horumarka iyo nabadgalyada iyo waliba kaqaybqaadashada naadafada iyo bilicda magaalada

Hadaba, kulankan ayaa waxaa ugu horayn kahadlay Madaxa Xafiiska Dhalinyarada Iyo Ciyaaraha MM Dhagaxbuur Mudane Cawaale Cabdi Dhicis oo sheegay in shirkani kusaabsan yahay sadex arimood oo kala ah wacyigalinta dhalinyarada, kashaqaynta horumarka iyo nabadgalyada. Wuxuuna intaa kudaray in dhalinyardu ay lagama maarmaan tahay in ay kudhiiradan kaqaybgalka qorshayaasha lagu tirtirayo saboolnimada islamrkaana dalkeenu kaga mid noqonayo wadamada dhaqaalahoodu dhexdhexaadka yahay.

Sidookale, shirkan ayaa waxaa isna dhankiisa kahadlay Comishionka Booliska Gobolka Jarar Mudane Xasan Macalin oo sheegay in dhalinyartu yihiin lafdhabarta bulshada islamarkaana ay muhiimtahay in doorkooda kaqaataan horumarka balaadhan ee sida xawliga ah uga socda deegaanka gaar ahaan magaalada dhagaxbvuur

Iskusoowada duuboo, waxaa hubaal ah in dhalinyaradu doorka ugu muhiimsan ka qaadan karaan qorshayaasha horumarineed iyo kuwa nabadgalyo si deegaanku uga guulaysto cadawga kali ah ee uu leeyahay ee ah  saboolnimada.