MM Jigjiga Iyo Kormeer Lagu Sameeyay Dugsiyada Sida Gaarka Ah Loo Leeyahay

Jigjiga(cakaaranews)Arbaco, 28ka February 2018. Xafiiska waxbarahsada DDSI geedisocdkiisa horumarinta dugsiyada ayaa kormeer iyo dabagal kusoo sameeyay dugsiyaal tiradoodu dhan-tahay 70 dugsi islamarkaana ah dugsiyada sida gaarka ah loo lee yahay ee kajira xarunta deegaanka ee magaalada jigjiga.

Hadaba, Gadhwadeenka G/S Horumarinta Dugsiyada Ee Xafiiska Waxbarashada DDSI Mudane Xuseen Maxamuud Daahir oo u waramay warbaahinta deegaanka ayaa sheegay in kormeerkan ay kasameeyeen in kabadan 70 Dugsi oo ah dugsiyada sida gaarka ah loo leeyahay ee kajira magaalada jigjiga. Wuxuuna intaa kudaray in kormeerkan ujeedadiisu tahay  sidii loo xaqiijin lahaa tayada dugsiyada gaarka loo leeyahay islamarkaana loo xoojin lahaa kudhqanka shuruucda dugsiyada si dugsiyadu u buuxiyaan shuruudaha dugsinimo ee looga baahanyahay dhanwalba haday tahay gashiga dugsiga iyo haday tahay natiijada barisbarasho.

Dhankakale, agaasinka oo hadlkiisa sii wata ayaa tilmaamay in kormeerkani uu ahaa mid si wayn loogu kuur galayay xaaladwalba oo dugsiga kajirta islamarkaasna ay kormeerkoodan awamiir kasoo saari doonaan. taas oo ay  herarka dugsiyada kusoo kala saarayaan. Wuxuuna carabka kudhuftay in natiijo wanaagsan ay kasoobaxayso kormeerkoodan.

Iskusoowada duuboo, kormeerkan oo socday mudo 5 cisho ah ayaa waxaa laga filayaa in ay kasoobaxdo talaabooyin midho dhal ah islamarkaana lagu sixi doono galdaloolada kajira dugsiyada sida gaarka ah looleeyahay ee magaalada jigjiga.