Shir Heer Qaran Ah Oo Ku Saabsan Socdaalada Aduunka Iyo Barakaca Oo Ka Qabsoomay MMJ

Jigjiga(cakaaranews)Jumce, 2da March 2018. Waxaa xarunta deegaanka ee magalaada jigjiga kaqabsoomay shir heer qaran ah oo ay fulintiisa iskakaashadeen jaamacada adhisababa, jaamacada jigjiga, hoyga fedrashinka dalka iyo waliba hay’ada UN laanteeda qaabilsan socdaalka aduunka. kaasoo lagu eegayay iskudhacyada iyo khilaafaadyada sababa barakaca gudaha dalka iyo socdaalada bulshada.

Hadaba, shirkan ayaa waxaa furitaankiisii kahadlay Madaxwaynaha Jaamacada Jigjiga Mudane Cabdi Casiis Ibraahim oo sheegay in ujeedada shirku yahay mid lagaga wada hadlayo arrimaha socdaalka barakaca gudaha dalka iyo horumarka kaladuwan ee dalka. Wuxuuna xusay in shirkan lagu soo bandhigayay daraasaadyo laga soo sameeyay deeganada dalka oo kuqotama waxayaabaha sababa iskudhacyada, socdaalada, barakacyada gudaha iyo waliba  dhinacyada horumarka iyo kobaca dhaqaalaha dalka.

Dhankakale, xubno kamid ah masuuliyiintii kasooqaybgalay kulankan ayaa sheegay in shirku kuqotay 4 arrimood oo kala ah  Horumarka, khilaafaadka ama iskudhacyada iyo waxyaabaha sababa, barakacayaasha gudaha iyo waliba socdaalada.

Iskusoowada duuboo, shirkan oo ay kasooqaybgaleen mas’uuliyiin iyo khabiiro kakalasocday qaarkamid ah xafiisyada heerdeegaan jaamacadaha dalka iyo hay’ada UN laanteeda socdaalada aduunka ayaa kadib markuu dhamaado laga filayaa inay kasoobaxaan natiijooyin horumarineed.