Wardheer Iyo Adeegii Qaliinka Iyo Daawaynta Indhaha Ee Bilaashka Ahaa Oo Lasoo Gaba-gabeeyay

Wardheer(Cakaaranews) Sabti , 3da March 2018. Waxaa xarunta gobolka dollo ee magaalada wardheer  ee  lagusoo gaba-gabeeyay   adeegii qaliinka iyo daawaynta indhaha bilaashka ahaa oo  7aadkii  udanbeeyayba looga faaiidaynayay boqolaal bulshada ku dhaqan degmada wardheer iyo nawaaxigeeda.

Hadaba adeegan qaliinka iyo daawaynta indhaha bilaashka ah oo maalmahanba looga faaiidaynayay shacabka deegaanka ee wax ka qaba dhanka araga gaar ahaan shacabka ku dhaqan degmada wardheer iyo nawaaxigeeda ayaa waxaa kawarbixiyay mas’uuliyiinta hosbitaalka wardheer iyo mas’uulyiinta maamulka wardheer oo sheegay in adeegii qaliinka iyo daawaynta indhaha ee bilaashka ahaa lasoo gabagabeeyay islamarkaana ay ka faaiidaysteen in ka badan 953 shacabka ku dhaqan degmada wardheer iyo nawaaxigeeda ee wax ka qabay dhanka araga. Wuxuuna mas’uuliyiintu intaa ku dareen in shacabkan qalitaanka iyo daawaynta loo sameeyay ay isugu jireen dad indho belay, kuwo dhaawac ka gaadhay iyo qaar xanuun ka hayay islamarkaana lagu xaliyay qalitaan, daawayn iyo muraayadaha araga.

Ugu danbayna waxaa dhankooda ka hadlay qaar kamid bulshada  ku dhaqan degmada wardheer  iyo naawaaxigeeda ee dib uhelay aragoodii indhaha oo u waramay warbaahinta deegaanka ayaa sheegay inay aad oogu faraxsanyihiin  adeegan qalitaanka iyo daawaynta indhaha ee bilaashka ah islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanka ee wax ka qaba dhanka araga  uheli lahaayeen aragooda indhaha. Sikastaba ha ahaatee adeegan qaliinka iyo daawaynta indhaha bilaashka ah ayaa ah mid xukuumada deegaanka gaar u ah islamarkaana la rabo in dhamaan laga hirgaliyo degmooyinka deegaanka iyadoo inta badan laga fuliyay deegaanka inta dhiman laga fulindoono