Kal'fadhigii 6aad Ee Golaha Xildhibaanada DDSI Oo La Soo Gabagabeeyay.

Jigjiga,(cakaaranews), Axad, 4ta, March, 2018, Waxaa lagu soo gabagabeeyay madasha shirarka ee qaryaan dhoodaan kalfadhigii 6aad ee golaha xildhibaanada DDSI oo maalmihii ugu dambeeyay u socday golaha xildhibaanada DDSI.

Madaxwaynaha DDSI mudane Cabdi Maxamuud Cumar ayaa maanta si faah-faahsan u soo jeediyay warbixinta waxqabadka xukuumada DDSI ee 6dii bilood ee sanad miisaaniyeedka 2010TI taasi oo xooga saarasay guulaha laga gaadhay taabagalinta qorshayaasha horumarineed ee deegaanka gaar ahaan dhinacyada horumarinta khayraadka biyaha, jidadka iyo buunduuyinka deegaanka laga hirgaliyay  madaxwaynaha ayaa sharax dheerka bixiyay qorshayaasha ay xooga saartay  xukuumada DDSI ee ku salaysan kor u qaadista  nolosha bulshada deegaanka oo ay noloshoodu  intooda badan ku tiirsan tahay khayraadka xoolaha deegaanka islamarkaana xukuumada DDSI qorshaheeda ugu muhiimsan ka dhigatay horumarinta khayraadka biyaha deegaanka.

Madaxwaynaha ayaa sheegay in deegaanka laga hirgaliyay mashaariico waawayn oo dhinaca biyaha ah gaar ahaan kuwa qodista ceelasha dhaadheer iyo kuwa masaafada dheer loo kala jiidayo madaxwaynaha DDSI ayaa  sheegay in  heer daboolka biyaha deegaanka laga qaaday 6dii bilood ee ugu dambeeyay  66.7%  lana gaadhsiiyay  73.6% sidoo kale heer daboolka magaalooyinka laga qaaday   64.5% lana gaadhsiiyay  70.2 halka heer daboolka biyo galinta miyiga laga qaaday  66.7% lana gaadhsiiyay   73.6% sidoo kalena laga hirgaliyay deegaanka biligii ugu dambeeyay mashaariico waawayn oo ah dhinaca horumarinta khayraadka biyaha dhinaca kale waxa uu madaxwaynaha DDSI ka warbixiyay   in xukuumada DDSI ay ku guulaysatay in deegaanku maanta isu furmay dhanka isusocodka 100% islamarkaana laga hirgaliyay buundooyin tayo leh oo dhaxalgal ah.

Dhinaca kale waxaa maalintii shalay golaha xildhibaanada DDSI ka doodeen islamarkaana cod buuxa ku ansaxiyeen  Bayaanka waxkabadalka, Bayaanka dib u aas-aasida kuliyada maaraynta adeega shacabka DDSI ugu dambayntii kalfadhigan 6aad ee golaha 5aad ee golaha xildhibaanada DDSI oo muddo 4 maalmood ah socday ayaa maanta la soo gabagabeeyay.