Degmada Xamaro Iyo Hirgalinta Qorshaha BBC

Xamaro(cakaaranews)Isniin, 5ta, March 2018. Qorshaha BBC ayaa ah qorshaha ay xukuumada DDSI qaadatay sanadka 2010 T.I islamarkaana ah mid kuqotama dajinta iyo dhaqashada casriga ah si xoolaha looga helo cad iyo caano badan islamarkaana bulshada reer guuraaga ahi  u hesho Biyo, Baad, cilmi iyo caafimaad. waxaana degmada xamaro si fiican looga bilaabay dajintii bulshada iyo dhaqashadii casriga ahayd ee xoolaha.

Hadaba, hirgalinta qorshahan ayaa waxaa warbaahinta uga waramay Kusimaha Gudoomiyaha Ahna Madaxa Xafiiska Biyaha Degmada Xamaro Mudane Maxamed Rashiid oo sheegay in qorshahani kow ka yahay ladagaalanka saboolnimada islamarkaana qorshahani yahay mid bulshadu kaga raysanayso dhibaatooyinka guur-guurka iyo rafaadkii ka imanayay dhaqashada xoolaha. Wuxuuna intaa kudaray in nidaamkani yahay nidaam falmo tuseed ah kaasoo bulshada lagu barayo in ay sifiican ugu daydaan. Wuxuuna faaiido uleeyahay bulshada iyo xoolaha labadaba.

Dhankakele, waxaa iyana kahadlay Madaxa Xafiiska Maaliyada Iyo Hor-Dhaqaalaha Degmada Xamaro Marwo Ubax Aadan Ibrahim Iyo Waliba Kusimaha Madaxa Xafiiska Horumarinta Xoolaha Ee Degmada Xamaro Mudane Maxamed Cabdulaahi Daahir oo sheegay in nidaamkani yahay nidaam aad lagma maar maan u ah bulshada xoolo-dhaqatada ah ee deegaanka. Waxayna tilmaameen in si fiican uu uga hirgalay degmada xamaro islamarkaana  ladhisay guryihii dajinta iyo waliba goobihii naaxinta xoolaha iyo dhaqashada  casriga ah.

Iskusoowada duuboo, nidaamka dhaqashada casriga ah ayaa kamid ah qorshaha Biyo, Baad, Beer Cilmi iyo caafimaad (BBC) kaasoo laga wado dhamaan degmooyinka deegaanka waxaana qorshahan halkudhag looga dhigay  ‘’isku filaanshaheenii waan sooceshan karaa’’